മൂന്നാറിന്റെ സ്റ്റൈൽ മന്നൻ “പടയപ്പ”

1999 കാലഘട്ടം,
സ്ഥലം മൂന്നാറിലെ മാട്ടുപ്പെട്ടി,
മൂന്നാറിന്റെ തണുപ്പിൽ സ്റ്റൈൽമന്നന്റെ ഏറ്റവും പുതിയ ചിത്രമായ പടയപ്പയിലെ എൻ പേര് പടയപ്പാ..എന്നുള്ള ഹിറ്റ് പാട്ട് മാട്ടുപ്പെട്ടി ജലസംഭരണിക്കടുത്തുള്ള കടകളിൽ മുഴങ്ങിക്കേൾക്കുന്നു. എന്നാൽ അന്നവിടെ ഉണ്ടായിരുന്ന സഞ്ചാരികളും നാട്ടുകാരും അതിലല്ല ജലസംഭരണിക്കടുത്ത് കൂടി നിന്ന് ആവേശത്താൽ ആർത്തുവിളിക്കുന്ന ചില ഓട്ടോ ഡ്രൈവർമാരിൽ ആണ് ശ്രദ്ധ പതിപ്പിച്ചത്. അവിടെ കണ്ട കാഴ്ച ആരിലും കൗതുകമുണർത്തുന്ന ഒന്നായിരുന്നു. 30-32 വയസ്സ് വരുന്ന ലക്ഷണമൊത്ത ഒരു കൊമ്പൻ, പടയപ്പയിലെ ആ ഗാനത്തിനൊത്ത് തലയാട്ടി താളം പിടിച്ച് ജലസംഭരണിക്കടുത്ത് വെള്ളത്തിൽ നൃത്തം ചവിട്ടിക്കൊണ്ട് നിലയുറപ്പിച്ചിക്കുന്നു. കുറച്ച് കാലമായി അവനെ അവിടെയൊക്കെ കാണുന്നതാണ്.എങ്കിലും, ജലസംഭരണിയിലെ അവന്റെ സ്ഥിരം നീരാട്ടിൽ കാണാത്ത ഒരു രംഗമായിരുന്നു അത്. മൂന്നാറിലെ ഓട്ടോ ഡ്രൈവർമാരും നാട്ടുകാരും സഞ്ചാരികളും അന്ന് മൂന്നാറിലെ ഏറ്റവും തലയെടുപ്പുളള ആ കാട്ടാനയ്ക്ക് സ്നേഹത്തോടെ ചാർത്തിയ പേര് പിന്നീട് മൂന്നാറിനും പുറത്തേക്ക് അതിവേഗം പടർന്നു.അവനായിരുന്നു മൂന്നാറിന്റെ സ്റ്റൈൽ മന്നൻ താൻ തന്നെ എന്ന് തെളിയിച്ച കൊമ്പൻ… പടയപ്പ

സ്നേഹത്തിനും സൗഹൃദത്തിലും രജനി കഥാപാത്രങ്ങളെ പോലെ പടയപ്പയും മാട്ടുപ്പെട്ടിക്കാര്‍ക്ക് പ്രിയങ്കരനായി.കാടിറങ്ങി പുഴയില്‍ മുങ്ങി നാട്ടുകാര്‍ നല്‍കുന്ന ഭക്ഷണമൊക്കെ കഴിച്ച് എല്ലാര്‍ക്കും സലാം വച്ച് അവന്‍ കാട്ടിലേക്ക് തന്നെ മടങ്ങും. ഇൗ പോക്ക് വരവ് വര്‍ഷങ്ങളായി മൂന്നാറുകാർക്ക്‌ സുപരിചിതമാണ്.മൂന്നാർ–മറയൂർ റൂട്ടിലെ തലയാർ മുതൽ മാട്ടുപ്പെട്ടി വരെയുള്ള പ്രദേശമാണ് പടയപ്പയുടെ അധികാരപരിധി.ഇൗ മേഖലയിൽ ഇടയ്ക്കിടെ നാട് ചുറ്റാൻ ഇറങ്ങുന്ന ഇവന്റെ തലയെടുപ്പും ഗാംഭീര്യവുമാണ് മറ്റു കാട്ടാനകളിൽ നിന്നു വേറിട്ട് നിർത്തുന്നത്.വർഷങ്ങളായി ഇൗ മേഖലയിൽ ഇറങ്ങി നടക്കുന്ന പടയപ്പ ഇതു വരെ ആരെയും ഉപദ്രവിച്ചിട്ടില്ലെന്ന പ്രത്യേകതയുമുണ്ട്. എന്നാലും ഇടക്കിടെ വിശക്കുമ്പോൾ കൃഷി സ്ഥലങ്ങളുടെ വേലി പൊളിച്ച് തനിക്കാവശ്യമുള്ളത് കഴിക്കാനും എക്കൊപ്പോയിന്റ്‌, മാട്ടുപ്പെട്ടി, കുണ്ടള ഭാഗങ്ങളിലെ കടകളിൽ നിന്നും ഭക്ഷ്യ വസ്തുക്കൾ കയ്യിട്ടു വാരാനും അവൻ മുതിരാറുണ്ട്.അവനാവശ്യമുള്ളത് കഴിച്ചിട്ട് എന്റെ അധികാരപരിധിയിൽ ഉള്ളത് എനിക്കും കൂടി അവകാശപ്പെട്ടത് എന്ന ഭാവത്തിൽ ആൾനാശവുംജീവനാശവും വരുത്താതെ അവൻ കാടിന്റെ പച്ചപ്പിലേക്ക്‌ മറയുകയും ചെയ്യുന്നു. തങ്ങളിൽ ഒരാളായി അവനെ കാണുന്ന നാട്ടുകാർക്ക് അവനെതിരെ ആരോടും പരാതി പറയാറുമില്ല.

പടയപ്പയുടെ കൊമ്പ് നീളം കൂടിയതും വടിവൊത്ത ആകൃതിയുള്ളതുമാണ്. പുറകിലെ ഒരു കാലിന് ചെറിയ മുടന്തുണ്ട്.2015 കാലയളവിൽ ഒരു ദേഹത്ത് ഒരു മുറിവും കാലിൽ ഒരു മുടന്തുമായാണ് പടയപ്പ മൂന്നാറിലേക്ക് ഒരു അജ്ഞാതവാസത്തിനു ശേഷം കാടിറങ്ങി വന്നത്. ആ കഥ വഴിയേ പറയാം). മൂന്നാറിൽ രാജമല പ്രദേശത്താണ് പടയപ്പയെ കൂടുതലും കാണാനാകുക.റോഡരികിലെ കടകളൊക്കെ അടച്ച് ആളൊഴിഞ്ഞ ശേഷമാണ് പടയപ്പ തന്റെ ദിവസേനയുള്ള നൈറ്റ് വിസിറ്റിങിനിറങ്ങുക.

തന്നെ സ്നേഹിക്കുന്ന നാട്ടുകാരെ ആശങ്കയിൽ ആഴ്ത്തി പടയപ്പ ഇടക്കിടെ മുങ്ങാറുണ്ട്. കാടാറു മാസം നാടാറു മാസം എന്ന പോളിസി ആണ് മൂപ്പർക്ക്. ഒരിക്കൽ ഒരു ഒളിച്ചോട്ടം നടത്തി കഴിഞ്ഞാൽ പിന്നെ ഒരു ആറു മാസം കഴിയുമ്പോൾ ഞാൻ ഒന്നുമറിഞ്ഞില്ലെ രാമനാരായണ എന്ന മട്ടിൽ അവൻ തിരികെ വരുകയും തന്റെ സ്ഥിരം കലാപരിപാടികൾ നിർബാധം തുടരുകയും ചെയ്ത് പോന്നിരുന്നു. ഒരിക്കൽ കാടുകയറിയ പടയപ്പ ഒരു വർഷത്തിനു ശേഷം ഒരു തിരുവോണ നാളിൽ വീണ്ടും തിരികെ എത്തി. അന്നവൻ തനിയെ ആയിരുന്നില്ല. തന്റെ പ്രേമഭാജനമായ ഒരു പിടിയാന സുന്ദരി കൂടി പടയപ്പക്കൊപ്പം കാടിറങ്ങി വന്നിരുന്നു.നാട്ടിലെ തന്റെ സാമ്രാജ്യവും തന്റെ നിലയും വിലയും അവൾക്ക് കാണിച്ച് കൊടുക്കാൻ അവൻ അവളെ നാട്ടിലേക്ക് എത്തിച്ചതാകാം.ഫോറസ്റ്റ് ഉദ്യോഗസ്ഥരുടെ അഭിപ്രായപ്രകാരം വനത്തിന്റെ ആ ഭാഗത്തുള്ള 13 പിടിയാനകളും ഒരുപോലെ പ്രേമിക്കുന്ന ഒരു കാമദേവനാണ് നമ്മുടെ പടയപ്പ.അന്ന് ഇന്‍ഡോ സ്വിസ് പ്രോജക്ടിന് സമീപമുള്ള പുല്‍മേട്ടില്‍ ആഹാരം തേടിയെത്തിയ പടയപ്പയെയും അവന്റെ പ്രിയതമയേയും കാണാന്‍ നിരവധി സഞ്ചാരികളാണ് മണിക്കൂറുകളോളം റോഡിൽ തിങ്ങി നിന്നത്. പിന്നീട് അവിടെ നിന്നും നടന്നു കുറച്ച് മാറി റോഡിൽ കയറിയ പടയപ്പ റോഡിന് വിലങ്ങനെ ഒരു സൂപ്പര്‍ സ്റ്റാറിന്റെ ഗെറ്റപ്പില്‍‌ തന്റെ ആരാധകർക്ക് ഫോട്ടോഷൂട്ടിന് പോസ് ചെയ്യാനും മറന്നില്ല. നിരവധി വാഹനങ്ങൾ റോഡിൽ കുരുങ്ങി. ഏതാണ്ട് 3 മണിക്കൂർ ട്രാഫിക് ബ്ലോക് സൃഷ്ടിച്ച തന്റെ ഫോട്ടോ ഷൂട്ടിന് ശേഷം പടയപ്പയും കാമുകിയും വീണ്ടും കാടു കയറി.

അടുത്ത വരവ് ഒരു രാത്രിയിൽ ആയിരുന്നു. രാത്രി പത്തുമണിയോടെ ആളൊഴിഞ്ഞ മൂന്നാർ പാതയിലൂടെ ഒരു നൈറ്റ് വാക്‌. രാജമല, എക്കോപോയിന്റ്, കുണ്ടള എല്ലാം കറങ്ങി ഒരു മടക്കം. പിന്നീട് അവൻ വന്നത് ഒരു ഉച്ച നേരം ആയിരുന്നു. രാജമലയിലെ വരയാടുകളെ കാണാൻ ടിക്കറ്റ് എടുക്കാൻ നിന്ന ഗോസായിമാരുടെയും സായിപ്പന്മാരുടെയും വരികൾക്ക് പിന്നിലായി ശാന്തനായി അവനും തന്റെ സാന്നിധ്യം അറിയിച്ചു.വരുന്നവഴിക്ക് രാജമല അഞ്ചാംമൈലില്‍ ചിലർ വഴിയോരത്ത് വില്‍ക്കാന്‍ വച്ച ചോളവും കൈതച്ചക്കയും കാരറ്റുമെല്ലാം അകത്താക്കിയി മൂപ്പര് ഇൗ നിൽപ്പ് നിൽക്കുന്നത് എന്ന് ആരറിയാൻ. പണ്ടൊരു വിരുതൻ പടയപ്പയുടെ കണ്ണിൽ പെടാതിരിക്കാൻ ഒരു കനാലിന്റെ അടിയിൽ പറിച്ചെടുത്ത കാരറ്റ് ചാക്കിലാക്കി ഒളിപ്പിച്ച്. രാത്രിക്ക് രാത്രി പടയപ്പ ചാക്കിലെ കാരറ്റ് മണത്തു പിടിച്ച് റെയ്ഡ് ചെയ്ത് ഒന്നു വിടാതെ വയറ്റിലാക്കി.നാഷണല്‍ പാര്‍ക്കിലേക്കുള്ള ടിക്കറ്റെടുക്കാന്‍ വരിയില്‍നിന്ന സഞ്ചാരികള്‍ക്ക് പടയപ്പയെ കണ്ട കൗതുകം കാട്ടാനയാണെന്ന് അറിഞ്ഞതോടെ ഭയമായി. തുടര്‍ന്ന് എല്ലാവരും ഓടി രക്ഷപ്പെട്ടു. താനിതൊക്കെ എത്ര കണ്ടിരിക്കുന്നു എന്ന മട്ടിൽ ഇതൊന്നും ശ്രദ്ധിക്കാതെ സമീപത്തുകിടന്ന വനം വകുപ്പിന്റെ വാഹനത്തിനരികില്‍ പടയപ്പ നിലയുറപ്പിച്ചു. സമീപത്തുണ്ടായിരുന്ന വാഹനങ്ങളോ ടിക്കറ്റ് കൗണ്ടറോ ആക്രമിക്കാതെയായിരുന്നു ഒരുമണിക്കൂറോളം പടയപ്പ നിന്നത്. പിന്നീട് പാര്‍ക്കിങ് ഏരിയ വഴി സമീപത്തെ വനത്തിലേക്കു പോയി.

2009 കാലത്ത് ആണെന്ന് തോന്നുന്നു. ഒരിക്കൽ കാടു കയറിയ പടയപ്പ മടങ്ങി വന്നില്ല. വർഷം ഒന്നു കഴിഞ്ഞു,രണ്ടു കഴിഞ്ഞു, പടയപ്പയെക്കുറിച്ച് ഒരറിവുമില്ല.പടയപ്പയെ കാണാതായ വിവരം പ്രദേശത്ത് ചര്‍ച്ചാവിഷയവുമായി. പടയപ്പ എവിടെ പോയെന്നോ, എന്ത് പറ്റിയെന്നോ ആര്‍ക്കും ഒരു വിവരവും ലഭിക്കാതെ ടാക്‌സി ഡ്രൈവര്‍മാരും എസ്‌റ്റേറ്റ് നിവാസികളുടമടക്കം അവന്റെ നിരവധി ആരാധകരെ കുറച്ചൊന്നുമല്ല വിഷമിപ്പിച്ചത്.പടയപ്പയെ ആനവേട്ടക്കാര്‍ കൊലപ്പെടുത്തിയെന്ന വിധത്തിലുള്ള വാര്‍ത്തകള്‍ ഇതിനിടയില്‍ പരന്നിരുന്നു. പടയപ്പയെകുറിച്ച് കൂടുതൽ അഭ്യൂഹങ്ങള്‍ പരക്കുന്നതിനിടെ 5 വർഷത്തെ നീണ്ട ഇടവേളക്ക് ശേഷം അവൻ നാട്ടിലെ തന്റെ സാമ്രാജ്യത്തിലേക്ക് തിരികെ എത്തി. പലതവണ കാടിറങ്ങി വന്നിരുന്നെങ്കിലും അന്നാദ്യമായി അവനെ മദപ്പാടിൽ മൂന്നാറിലെ ജനങ്ങൾ കണ്ട്. അത്തവണ അധികനാൾ നാട്ടിൽ നിൽക്കാതെ അവൻ വീണ്ടും കാടുകയറി. തങ്ങളുടെ പ്രിയപ്പെട്ടവൻ ജീവനോടെ ഉണ്ടെന്ന ആശ്വാസത്തിലും അവന്റെ അടുത്ത തിരിച്ചു വരവിനായി അവർ വീണ്ടും കാത്തിരുന്നു.കാടിറങ്ങുന്ന കൊമ്പന്‍ പടയപ്പയാണെങ്കില്‍ ജനങ്ങള്‍ക്ക് ഭയമില്ല.  പടയപ്പയുടെ ശാന്തസ്വഭാവം തന്നെയാണ് അതിനു കാരണം. ഒരിക്കൽ നല്ലതണ്ണി  മലയിറങ്ങി നാട്ടിലെത്തിയ പടയപ്പ എം.ജി റോഡിലേക്ക് പ്രവേശിക്കുവാന്‍ തുടങ്ങിയെങ്കിലും പ്രദേശത്തെ വീടുകളിലുള്ളവര്‍ പുറത്തിറങ്ങിയതോടെ ആ വഴിയിലൂടെയുള്ള നടത്തം വേണ്ടെന്നു വച്ചു. കാരണം അവന്റെ സ്വാതന്ത്രം നിഷേധിച്ച് അവനെതിരെ പ്രവർത്തിക്കാതെ സ്വസ്ഥത ജീവിതം നയിക്കാൻ കഴിയും എന്നവർക്ക് അറിയാമായിരുന്നു.

എന്നാൽ അടുത്ത തവണ പടയപ്പ എത്തിയത് ശരീരത്തിലെ മുറിവുമായിട്ടാണ്. ആ വേദനയിലാവണം അവന്‍ അസ്വസ്ഥനായിരുന്നു.പിൻകാലുകളിൽ ഒന്നിന് മുടന്തും സംഭവിച്ചിരിക്കുന്നു.നാട്ടുകാര്‍ക്ക് അവന്റെ വേദന മനസിലായി. അവനെ നേരിട്ട് അറിയാത്ത മൂന്നാറിലെ സഞ്ചാരികൾക്ക് അത് മനസിലായില്ല.അവര്‍ അവനൊപ്പം നിന്ന് സെല്‍ഫി എടുക്കാനും അവനെ നോക്കി ആർത്ത് വിളിക്കാനും തുടങ്ങി.  ആളുകൂടിയതോടെ അവന്‍ ദേഷ്യപ്പെട്ടു. ആളുകളെ ഒന്നുവിരട്ടി സമീപത്തെ തട്ടുകടയൊക്കെ തകര്‍ത്ത് അവന്‍ രോഷം വ്യക്തമാക്കി. ഒടുവില്‍ പ്രിയപ്പെട്ട നാട്ടുകാരുടെ സങ്കടവും സഞ്ചാരികളോട് അവർ കയർക്കുന്നതും കണ്ടിട്ടാകണം അധികം സമയം നില്‍ക്കാതെ അവന്‍ കാടുകയറി.ശരീരത്തിലെ മുറിവ് എങ്ങനെ സംഭവിച്ചുവെന്ന് വ്യക്തമല്ല. ഒരു പക്ഷെ പണ്ടത്തെപ്പോലെ ഒരു വനയുദ്ധത്തിന്റെ അടയാളങ്ങൾ ആകാം.(പണ്ടൊരിക്കൽ എക്കോ പോയിന്റിന് മറുകരയിൽ യൂക്കാലിപ്റ്റസ് കാടുകളിൽ ഒരു കൊമ്പനുമായി ഒരു ഭയങ്കര സംഘട്ടനം നടന്നിരുന്നതും അന്ന് പടയപ്പ ആ കൊമ്പനെ കുത്തി വീഴ്ത്തിയതും ഒരു റിട്ടയേർഡ് ഫോറസ്റ്റ് ഉദ്യോഗസ്ഥന്റെ അനുഭവങ്ങൾക്കിടയിൽ വീണു കിട്ടിയതാണ്.)

2017ൽ വീണ്ടും ഒരു തിരുവോണ നാളിൽ പടയപ്പ കണ്ണൻദേവൻ കമ്പനിയുടെ കന്നിമല മൈതാനത്തും തോട്ടങ്ങളിലും ആയി പ്രത്യക്ഷപ്പെട്ടു. പടയപ്പയുടെ ഏറ്റവുമധികം മനോഹരവും രാജകീയവും ആയ ചിത്രങ്ങൾ പകർത്തപ്പെട്ടത് ഈ സമയത്ത് ആണ്. അന്ന് കന്നിമലയിൽ മൈതാനത്ത് രണ്ടു എസ്റ്റേറ്റിലെ തൊഴിലാളികൾ തമ്മിലുള്ള ഫുട്ബാൾ മൽസരം നടക്കുകയായിരുന്നു. ഫുട്ബാൾ മൽസരം കണ്ടപ്പോൾ പടയപ്പയും കൊമ്പുകുലുക്കി പന്ത് തട്ടാനെത്തി. കളിയുടെ ആവേശത്തില്‍ രണ്ടു ടീമുകളും പടയപ്പയുടെ സാന്നിധ്യം അറിഞ്ഞില്ല. കൊമ്പന്‍ മൈതാനത്തിനു നടുക്കെത്തിയ ശേഷമാണു കളിക്കാര്‍ വിവരമറിഞ്ഞത്. കളിക്കാരെല്ലാം പേടിച്ച് ഓടിമാറിയെങ്കിലും മൈതാനത്ത് ഇതൊന്നും ശ്രദ്ധിക്കാതെ കുറച്ചുസമയം ചെലവഴിച്ചശേഷം പടയപ്പ കാട്ടിലേക്കു മടങ്ങുകയായിരുന്നു.

കഴിഞ്ഞ കുറച്ച് മാസങ്ങളായി പടയപ്പ വീണ്ടും മൂന്നാറിലേക്ക് തിരികെ വന്നിരിക്കുകയാണ്. ലോക്ഡൗൺ കാലം ആയതിനാലും മൂന്നാറിൽ സഞ്ചാരികളുടെ ബഹളങ്ങൾ ഒഴിഞ്ഞതിനാലും ഇത്തവണ പടയപ്പ തന്റെ രാത്രി സഞ്ചാരത്തിന്റെ ദൈർഘ്യം ഒന്ന് കൂട്ടിയിട്ടുണ്ട്. ലോക്ഡൗൺ ആഘോഷമാക്കി ആളൊഴിഞ്ഞ മൂന്നാറിന്റെ തെരുവുകള്‍ കീഴടക്കി പടയപ്പ വിലസുകയാണ്.ഇത്തവണ കൂടെ തന്റെ ഒരു കൂട്ടുകാരനെയും കൂട്ടിയാണ് പടയപ്പ നാട്ടിലിറങ്ങിയത്.ഒരു കൊമ്പൻ,പ്രായമായിത്തുടങ്ങിയ പടയപ്പ തന്റെ പിൻഗാമിയെ തന്റെ സാമ്രാജ്യം കാണിക്കാനും പരിചയപ്പെടുത്താനും കൊണ്ടുവന്നതാണ് എന്ന് മൂന്നാറിലെ ജനങ്ങൾ കളിയായി പറയുന്നു. എന്തായാലും കഴിഞ്ഞ തിങ്കളാഴ്ച്ച മൂന്നാർ ടൗണിൽ രാത്രി നടത്തത്തിന് വന്ന പടയപ്പയും കൂട്ടാളിയും ഒരു പെട്ടിക്കട തകർത്ത്‌ അവിടെ സൂക്ഷിച്ചിരുന്ന പഴക്കുലയും കഴിച്ച് ടൗൺ ആകെ ഒന്ന് കറങ്ങി ഫോറസ്റ്റ് ഓഫീസിനും ഒന്ന് വലം വെച്ചാണ് മടങ്ങിയത്. ആ രംഗങ്ങൾ സാമൂഹിക മാധ്യമങ്ങളിൽ വൈറലായിട്ടുമുണ്ട്.പടക്കം എറിഞ്ഞും പുലിയുടെ റെക്കോർഡ് ശബ്ദം വച്ചും ടൗണിൽ നിന്നും തങ്ങളെ അകറ്റാൻ നോക്കിയ ചില ന്യൂ ജനറേഷൻ നാട്ടുകാരുടെയും ഫോറസ്റ്റ്കാരുടെയും നേരെ ഇതിലും വലിത് കണ്ടവനാ ഇൗ ഞാൻ എന്നോടോ ബാലാ.. എന്ന മട്ടിൽ അവനൊന്നു നോക്കി നിന്നു.. എന്നിട്ടാണ് പടയപ്പയും കൂട്ടാളിയും കാടിന്റെ ഇരുളിലേക്ക് കയറിയത്.

55 വയസ്സുകാരനായ പടയപ്പ ഇന്ന് കാട്ടിൽ കഴിയുന്നതിലും കൂടുതൽ സമയം നാട്ടിലാണ്.പടയപ്പ വാർധക്യ സഹജമായ അവശതകൾ നേരിടാൻ തുടങ്ങിയതായി ഇവനെ സ്ഥിരമായി നിരീക്ഷിക്കുന്നവർ പറയുന്നു.പടയപ്പ ആരേയും ഉപദ്രവിച്ചിട്ടില്ല.
കാട്ടാനകളോട് മാന്യമായി പെരുമാറിയാൽ ആ മാന്യത അവ തിരിച്ച് തരും എന്നതിന് ഉത്തമ ഉദാഹരണമാണ് മൂന്നാർ കാടുകളിലെ ഇൗ കരിവീരൻ.

അരുൺ നായർ
(മിന്നൽ)

എലിഫന്റ് ക്യാപ്ച്ചർ ബെൽറ്റ് (ECB)

മലയാളിക്ക് ആനയില്ലാതെ ഒരു പൂരമില്ല കാരണം ആന മലയാളിയുടെ ആചാരാനുഷ്ടാനങ്ങളുടെ ഭാഗമായിക്കഴിഞ്ഞു. എന്നാൽ അപൂർവ്വം ചില സമയങ്ങളിൽ ആന ഇടയൽ വാർത്തയായി മാറുന്ന ഇക്കാലത്ത് ഇടഞ്ഞ ആനയെ നിമിഷങ്ങൾക്കകം തളക്കാൻ കഴിയുന്ന ഓട്ടോമാറ്റിക് ബ്രേക്ക് സംവിധാനം പരിചയപ്പെടുത്തുകയാണ് നമ്മുടെ ദാസേട്ടൻ. ആനയുടെ കാലിൽ പാപ്പാന് വളരെ വേഗം ഘടിപ്പിക്കാൻ കഴിയുന്ന ബ്രേക്ക് പിടിപ്പിച്ചാണ് ആനയെ തളക്കുന്നത്.ഈ വന്ന കാലത്ത് ആനകളെ തളക്കുന്നതിന് പല സംവിധാനങ്ങളും വന്നിട്ടുണ്ടെങ്കിലും എല്ലാം ഒന്നും വിജയകരമായി കണ്ടില്ല.എന്നാൽ ഇവിടെ നമ്മുടെ ദാസേട്ടൻ എകദേശം നാന്നൂറിനടുപ്പിച്ച് ആനകളെ ഇതുവരെ തളച്ചു കഴിഞ്ഞു.ഗുരുവായൂർ ആന കോട്ടയിലെ അറിയപ്പെടുന്ന ചട്ടക്കാരൻ ആയിരുന്ന ദാസേട്ടൻ തൻ്റെ സ്വന്തം കഴിവിലൂടെയും പ്രയത്നത്തിലൂടെയും കണ്ടുപിടിച്ച ഈ ഉപകരണം ആന കേരളത്തിലെ തന്നെ പുതിയ വഴിതിരിവുകളിലൊന്നാണ്.

ആനയെ തളയ്‌ക്കാൻ മരമുണ്ട്‌ ജീരകം പൊതിയാൻ ഇലയില്ല എന്നു പറയുന്നതുപോലെ അല്ല കാര്യങ്ങൾ.
എലിഫന്റ് ക്യാപ്ച്ചർ ബെൽറ്റ്, 1995-ൽ മോഹൻ ദാസേട്ടൻ്റെ വലത്തെ കാല് ഒടിഞ്ഞ് ബഡ് റെസ്റ്റ് എടുക്കുന്ന സമയത്താണ് ക്യാപ്ച്ചർ ബൽറ്റ് എന്ന യന്ത്രത്തെക്കുറിച്ച് ആലോചിക്കുന്നത്.ആ ആലോചന ജീവിതത്തിലെ ഒരു വഴിതിരിവ് ആണെന്നു തന്നെ പറയാം. ആ സമയത്ത് ചെറിയ ചെറിയ തകിടുകൾ വെട്ടിയെടുത്ത് അതിൽ ഇതിൻ്റെ മോഡലുകൾ ഉണ്ടാക്കി പരീക്ഷിച്ച് അവിടം മുതലാണ് ഇത് ഉണ്ടാക്കാനുള്ള തുടക്കം. ഈ കാലഘട്ടത്തിനിടയിൽ എകദേശം ഇരുപത്തിനാലോളം ആനകളെ പിടിച്ചു കഴിഞ്ഞു.എകദേശം അഞ്ചു വർഷത്തോളമെടുത്തു ഇതിൻ്റെ ഒരു യഥാർത്ഥ മോഡൽ നൂറു ശതമാനം വിജയിക്കുന്നു രീതിയിൽ ഉണ്ടാക്കിയെടുക്കാൻ. അങ്ങനെ അവസാനം 2000ൽ ക്യാപ്ച്ചർ ബെൽറ്റ് എന്ന സ്വപ്നം പൂവണികയുണ്ടായി.എന്നാൽ ദേവസ്വത്തിൽ പിണങ്ങിയ ഒരാനയെ പിടിക്കുന്നത് 18-01-2001ൽ ആണ്.ഇങ്ങനെ ഒരു ബെൽറ്റ് ഉണ്ടാക്കാൻ ഉണ്ടായ സാഹചര്യം താഴെ പറയുന്നതാണ്.

ഇടഞ്ഞ ആനകളെ മയക്കു വെടി വെച്ച് ഒതുക്കി തളക്കുക എന്നതായിരുന്നു സാധാരണയായി സ്വീകരിച്ചു പോന്നിരുന്ന കീഴ് വഴക്കം, ഇത് എത്രമാത്രം ശരിയാണന്നെന്ന് പറയാൻ സാധിക്കില്ല.കാരണം ലോകം ഉണ്ടായ കാലം മുതൽ ആനകളുമുണ്ട്, അപ്പോൾ കാലാകാലങ്ങളായി ആനകൾ ഇടയാറുമുണ്ട്.വർഷങ്ങൾ പുറകോട്ടു പോകുമ്പോൾ, നൂറ്റാണ്ടുകളായി ആനകൾ ഇടഞ്ഞു കഴിഞ്ഞാൽ പിച്ചാത്തി വെച്ച് കെട്ടി, ആനയെ ഇടിച്ച് ചേര കളഞ്ഞ് ആനയെ തളർത്തി പിടിച്ചിരുന്ന ഒരു കാലഘട്ടം ഉണ്ടായിരുന്നു.അതു പോലെ മത്തുവെച്ച് പിടിക്കുന്ന വേറൊരു രീതിയും ഉപയോഗിച്ചിരുന്നു.മത്ത് എന്നു വെച്ചാൽ പലകയിൽ നീളം കൂടിയ ആണി തറച്ചിട്ട് ആ പലക മണ്ണിൽ കുഴിച്ചിട്ടിട്ട് ആനയെ ഓടിച്ച് പലകയിൽ കയറ്റി, ആണി കാലിൽ തറച്ചു കഴിയുമ്പോൾ തളർത്തിയിട്ട് പിടിക്കുന്ന വേറൊരു രീതി, അതുപോലെ നടക്കുവെടി അതയതായ്‌ മുട്ടിനു താഴെ വെടിവെച്ചു പിടിക്കുന്ന രീതി, ഇതൊന്നും.പറ്റാതെ വരുമ്പോൾ വെടിവെച്ച് കൊന്നുകളയുക, ഇതായിരുന്നു പണ്ട് കാലങ്ങളിൽ നമ്മൾ കണ്ടത്.പിന്നീട് 1979 എപ്രിൽ 24-ാം തിയതി മുതലാണ് മയക്കുവെടി എന്ന സംഭവം കേരളത്തിൽ വന്നത്. മയക്കു വെടി കേരളത്തിൽ വന്നശേഷം നിരവധി ആനകളെ അവർക്ക് തളക്കാൻ കഴിഞ്ഞെങ്കിലും മയക്കുവെടിയിലൂടെ ചില ആനകളുടെ ജീവനും നമുക്ക് നഷ്ടപ്പെട്ടിട്ടുണ്ട്. കാരണങ്ങൾ ചിലപ്പോൾ ഡോസേജ് കടുതലോ, അല്ലങ്കിൽ എന്തെങ്കിലും സൈഡ് ഇഫക്ടോ അങ്ങനെയുള്ള കാരണങ്ങൾ ആകാം. പക്ഷെ ആക്കാലങ്ങളിൽ ഇന്നത്തെ പോലയുള്ള സാങ്കേതി സംവിധാനങ്ങൾ ഒന്നുമില്ല എന്ന് ഓർക്കണം. ഒരു കാര്യം വെടിവെച്ചു കൊല്ലുന്നതിനെക്കാൾ എത്രയോ നല്ലതാണ് മയക്കുവെടി വെച്ച് ആനയെ പിടിക്കുന്നത്.അങ്ങനെ മുന്നോട്ട് പോകുന്ന സമയത്താണ് ആറൻമുള മോഹൻ ദാസേട്ടൻ ഒരു പുതിയ പരീക്ഷണവുമായി ഈ രംഗത്തേക്ക് കടന്നു വരുന്നത്.ഈ ഒരു സംവിധാനത്തിലൂടെ മുന്നൂറ്റി എൺപത്തി ഒൻപത് ആനയെ ഇതുവരെ തളച്ചിട്ടുണ്ട്. അക്കാലങ്ങളിൽ കുരിക്കിട്ടും ആനകളെ തളച്ചിട്ടുണ്ട്, എന്നാൽ അത്ര പെട്ടന്നാന്നും ആനകളെ കുരിക്കിട്ടു പിടിക്കാൻ എളുപ്പമല്ല എന്നുള്ളതാണ്. മയക്കുവെടിയുള്ള കാലത്തും പരമാവധി ആനകളെ കുരിക്കിട്ടു പിടിക്കാൻ പരമാധി ശ്രമിക്കാറുണ്ട്,കാര്യം ചില സമയങ്ങളിൽ മയക്കുവെടി വിദഗ്ധർ എത്താൻ താമസിക്കാറുള്ളതുകൊണ്ട്.എന്നാൽ ക്യാപ്ച്ചർ ബെൽറ്റ് വന്നതോടുകൂടി സംഗതികൾ വളരെ എളുപ്പമായ മാറി,2001-ലാണ് ആദ്യമായിട്ട് ഔദ്യോഗികമായി ഒരു ആനയെ പിടിക്കുന്നത്,ഇതിനിടയിൽ ചെറിയ പരീക്ഷണങ്ങൾ നടത്തുകയും വിജയിക്കുകയും ചെയ്തിരുന്നു. 2000 നവംമ്പറിൽ മുളങ്കുന്നത്തുകാവിൽ നാട്ടുകൂട്ടം എന്ന കൈരളി ടി.വിയുടെ ഒരു ചാനലിൽ ഈ ബൽറ്റിനെകുറിച്ച് അവതരിപ്പിച്ചു.അതിനു ശേഷം അതേ ടി.വിയിൽ തന്നെ വേറിട്ട കാഴ്ച്ചകൾ എന്ന പ്രോഗാമിലും കാണിക്കുകയുണ്ടായി. എന്തായാലും അതിനു ശേഷമാണ് ഈ ബെൽറ്റ് വ്യാപകമായി ആന കേരളത്തിൽ ഉപയോഗിക്കാൻ തുടങ്ങിയത്.അതിനു ശേഷം ആന കേരളത്തിൽ പലർക്കും ആവശ്യമായി വരുകയും ദാസേട്ടൻ ക്യാപ്ച്ചർ ബെൽറ്റ് കൊടുക്കുയുണ്ടായി.

എന്നാൽ മയക്കു വെടിയേൽക്കുന്നതിൽ ചില ആനകൾ പിന്നീടുള്ള കാലം നിത്യ രോഗിയും അല്ലെങ്കിൽ അകാല മരണത്തിലേക്കോ കൂപ്പു കുത്തുന്നു, ഇതിനെതിരെയായിരുന്നു മോഹൻ ദാസേട്ടൻ ക്യാപ്ച്ചർ ബെൽറ്റ് എന്ന ഉപകരണത്തിന്റെ കണ്ടു പിടുത്തം,നിറയെ മുള്ളുകളുള്ള എന്നാൽ ആനക്ക് യാതൊരു വിദ ദോഷങ്ങൾളോ, ശരീരത്തിൽ കേടുപാടുകളോ വരാത്തതുമായ ഈ ഉപകരണത്തിന്റെ കണ്ടു പിടുത്തം മോഹൻ ദാസിനെ ആനക്കാർക്കിടയിൽ കൂടുതൽ പ്രശസ്തനാക്കുകയുണ്ടായി, ആനയുടെ പുറകു വശത്തെ അമരങ്ങളിൽ ദൂരെ നിന്ന് പ്രയോഗിക്കാൻ കഴിയും വിധമായിരുന്നു ഇതിൻ്റെ നിർമിതി, ഇതിലൂടെ ഒരുപാടു മനുഷ്യ ജീവനുകളും ,ആനകളേയും മോഹൻ ദാസിന് രക്ഷിക്കാൻ കഴിഞ്ഞു എന്നുള്ളത് എല്ലാവരാലും അംഗീകരിക്കപ്പെട്ട കാര്യമാണ്.

കോട്ടയിൽ ജോലി ചെയ്യുന്ന സമയത്ത്, നിരവധി പ്രശ്നക്കാരായ ആനകളെ തളക്കേണ്ടതായി വന്നിട്ടുണ്ട്, അക്കാലങ്ങളിൽ പ്ലാസ്റ്റിക് വടം,ഇരുമ്പു റോപ്പ്, ഇതൊക്കെ ഉപയോഗിച്ചാണ് ആനകളെ തളച്ചിരുന്നത്.പക്ഷെ ആനയെ തളക്കാൻ ഒരു പാട് സമയം എടുക്കുമായിരുന്നു. അങ്ങനെ പെട്ടന്നു ആനയെ പെട്ടന്ന് കെട്ടാൻ വേണ്ടി കണ്ടു പിടിച്ച ഒരു സംവിധാനമാണ് ഈ ബെൽറ്റ്.അങ്ങനെ മനസ്സിൽ തോന്നിയ ഒരു നൂതന സംവിധാനമാണ് ഈ ബൽറ്റിൻ്റെ ഉറവിടം. അങ്ങനെ മനസ്സിൽ തോന്നിയ ഒരു എൻജീനിയറിങ്ങ് വിദ്യയാണ് ആനയെ എളുപ്പത്തിൽ തളക്കാനുള്ള ആശയം മനസ്സിൽ ഉടലെടുത്തതും, അതിലേക്ക് തിരിഞ്ഞതും. അങ്ങനെ ദാസേട്ടൻ സ്വയം വികസിപ്പിച്ചെടുത്ത യന്ത്രമാണ് എലിഫൻ്റ് ക്യാപ്ച്ചർ ബൽറ്റ്.വട്ടത്തിൽ ഉൾഭാഗം മുഴുവൻ കൂർത്ത മുൾമുനകളുള്ള ഇരുമ്പ് ബെൽറ്റ് സ്പ്രിങ്ങ് ഉപയോഗിച്ച് ബലമായി അകത്തു നിർത്തും. ഇതിനായി ഇടയിൽ ഒരു കമ്പി ഉണ്ട്.മുള ഉപയോഗിച്ച് ആനകളുടെ പിൻ കാലിൽ ബെൽറ്റ് അമർത്തുമ്പോൾ കമ്പി തെറിച്ചു മാറുകയും ബെൽറ്റ് കാലിൽ കുരുങ്ങുകയും ചെയ്യും. ആന കാലു വലിച്ചാൽ ബെൽറ്റ് മുറുകുകയും കൂർത്ത ഭാഗം കാലിൽ തറക്കുകയും ചെയ്യും.ഇതോടെ ആനകൾ അനുസരണയിലാകുകയും ചെയ്യും.ഉടൻ ചങ്ങല ഇട്ട് ബന്ധിച്ച് ബെൽറ്റ് അഴിച്ചു മാറ്റും.

ഓരോ ആനയെ തളച്ചു കഴിഞ്ഞാലും ബെൽറ്റിന് ചില്ലറ കേടുപാടുകൾ സംഭവിക്കും. ഉടനെ തന്നെ ബെൽറ്റ് നേരെയാക്കി എടുക്കും.ആനകളുടെ വലിപ്പ വ്യത്യാസമനുസരിച്ച് കാലുകൾ ഇണങ്ങുന്ന വിധം മൂന്നുതരം ബെൽറ്റുകൾ എങ്കിലും നിർമ്മിച്ചാലേ ഉപകാരപ്രദമാകു.ആനകളെ തളിക്കുന്നതിൽ അതി വിദഗ്ധനായ മോഹൻദാസ് വടം ഉപയോഗിച്ചും ഇരുപതോളം തവണ ആനകളെ തളച്ചിട്ടുണ്ട് സാഹസികമായി ഇത്തരം പ്രവർത്തികൾ ചെയ്താൽ ധന സഹായം ചെയ്യാൻ ദേവസ്വത്തിൽ നിയമമില്ല.

ECB ഇപ്പോൾ തന്നെ നിരവധി ആന ഉടമസ്ഥർക്കും അതുപോലെ ദേവസ്വത്തിനും ഒരു പാട് ഇഷട്ടപ്പെട്ടിട്ടുണ്ട്. ചങ്ങല ആണ് എന്തുകൊണ്ടും ആനകൾക്ക് മികച്ചത്, എന്നാൽ ക്യാപ്ച്ചർ ബെൽറ്റ് പ്രത്യേകിച്ച് ആന ഇടഞ്ഞ് ഓടുമ്പോൾ വലിയ ബുദ്ധിമുട്ടില്ലാതെ ഉപയോഗിക്കുകയും, പിടിക്കുകയും ചെയ്യാം. മയക്കുവെടി ഇവിടെ ആവശ്യം വരുന്നുമില്ല. ഇവിടെ ഒരു കാര്യം എടുത്തു പറയേണ്ടതുണ്ട്,ഈ ബെൽറ്റ് ഉണ്ടാക്കുന്നത് ടെക്നിക്കൽ വർക്ക് ആയതുകൊണ്ട് ഒരുപാട് സമയം വെറുതെ നഷ്ട്ടപ്പെടും, കാരണം ഒരു വശം ശരിയാക്കുമ്പോൾ മറുവശം അലൈൻമെൻ്റ് ശരിയാകാതെ വരും, അത് ശരിയാക്കാൻ ഒരുപാടു സമയം എടുക്കും, ആ സമയത്ത് അവർ വല്ല ഗേയിറ്റാ,ഗ്രില്ലോ വല്ലതും ചെയ്താൽ അവർക്ക് ഇതിൻ്റെ ഇരട്ടി വരുമാനം ഉണ്ടാക്കാൻ സാധിക്കും.ഇവിടെ ഇതു ചെയ്യാൻ താല്പര്യമുള്ള ഉള്ള ഒരു പണിക്കാരന് മാത്രമേ ഇത് ഉണ്ടാക്കാൻ മുന്നോട്ടു വരികയുള്ളൂ. അതു കൊണ്ടു തന്നെ അവർ ചോദിക്കുന്ന പണി കൂലിയും കൊടുക്കണം.
എകദേശം പതിനായിരം രൂപയാണ് എലിഫന്റ് ബ്രേക്കിന്റെ വില. ആവശ്യക്കാർക്ക് എതു സമയത്തും ഇതിനെക്കുറിച്ചുള്ള വിവരങ്ങൾ അറിയാൻ ദാസേട്ടനുമായി ബന്ധപ്പെടാം, ഇത് എങ്ങനെ ഉപയോഗിക്കണം തുടങ്ങിയ കാര്യങ്ങൾ അദ്ദേഹം വിശദമായി പറഞ്ഞു തരും.പല ഉത്സവപൂര പറമ്പുകളിലും ആല്ലാതെയും ആനകളിൽ പരീക്ഷിച്ചു നോക്കി വിജയിച്ച ഒരു യന്ത്രമാണിത് .

ക്യാപ്ച്ചർ ബെൽറ്റ് എന്ന ഉപകരണം കണ്ടു പിടിച്ചത് കൊണ്ട് മാത്രമല്ല മോഹൻദാസസേട്ടൻ ആനക്കോട്ടയിൽ ജോലിചെയ്യുന്ന കാലത്ത് സഹപ്രവർത്തകരെ കൂട്ടി ഒരു എലിഫന്റ് സ്കോഡ് ഉണ്ടാക്കി. അങ്ങനെയാണ് കേരളത്തിൽ ആദ്യമായിട്ട് എലിഫന്റ് സ്കോഡ് എന്ന ഒരു സംരംഭം തന്നെ ഉണ്ടായത്. ഇന്ന് കേരളത്തിൽ കാണുന്ന ആദ്യത്തെ എലിഫന്റ് സ്കോഡിന്റെ ശില്പി മോഹൻദാസേട്ടൻ ആണ്. അങ്ങനെയാണ് ഈ ബെൽറ്റ് കേരളത്തിൽ അറിയപ്പെടാൻ തുടങ്ങിയത് .ഇന്ന് കേരളത്തിൽ നിരവധി സ്കോഡുകൾ അങ്ങോളമിങ്ങോളം ഉണ്ട്.സീസൺ വന്നുകഴിഞ്ഞാൽ ഒരുപാട് ഒരുപാട് ചെറുപ്പക്കാർക്ക് തൊഴിൽ ലഭിക്കുന്നുണ്ട്.അതായത് അഞ്ച് ആന എഴുന്നള്ളിക്കുന്ന സ്ഥലങ്ങളിലെല്ലാം എലിഫന്റ് സ്കോഡ് ഗവൺമെൻറ് നിർബന്ധമാക്കിയ സാഹചര്യത്തിൽ അവരുടെ സേവനം വളരെ ഫലപ്രദമാണ് ആണ് വളരെ ഉപകാരപ്രദമാണ്.അതായത് ഒരു ആന പൂരപ്പറമ്പിൽ തെറ്റി കഴിഞ്ഞാൽ ആൾക്കാരെ നിയന്ത്രിക്കാൻ ആണെങ്കിലും ചട്ടക്കാരെ സഹായിക്കാൻ ആണെങ്കിലും ഏതെങ്കിലും സാഹചര്യത്തിൽ മയക്കുവെടി വയ്ക്കാൻ ഉണ്ടായാൽ ഡോക്ടർമാരെ സഹായിക്കുന്ന കാര്യത്തിലായാലും ഇവരുടെ സഹായം ആവശ്യമാണ്. കൂടാതെ ഇവരുടെ കയ്യിലും ക്യാപ്ച്ചർ ബെൽറ്റ് ഉണ്ടുതാനും അവർ പരമാവധി ശ്രമിച്ച ആനയെ പിടിച്ചു കിട്ടും,അവർക്ക് കഴിയാതെ വന്നാൽ മാത്രമാണ് മറ്റു കാര്യങ്ങൾ ചിന്തിക്കുന്നത്. മയക്കുവെടി വെക്കേണ്ട സാഹചര്യം വന്നാൽ ഇവർ വേണ്ട സഹായങ്ങൾ ഡോക്ടർമാർക്ക് ചെയ്തു കൊടുക്കുകയും ചെയ്യും,അതായത് എലിഫന്റ് സ്കോഡ് കൊണ്ട് കേരളത്തിലെ ആനകൾക്കും ആന പ്രേമികൾക്കും ഒരുപാട് ഗുണങ്ങളുണ്ട് എന്നു വേണം കരുതാൻ. കേരളമൊട്ടാകെ ക്യാപ്ച്ചർ ബെൽറ്റ് ഉപയോഗിച്ചു തുടങ്ങിയത് കൊണ്ട് മയക്കുവെടി വെക്കുന്നത് വളരെയേറെ ഒഴിവായി എന്നുള്ളതാണ്. ഇപ്പോൾ വളരെ അപൂർവ്വമായി മാത്രമേ മയക്കുവെടി ആവശ്യം വരുന്നൊള്ളൂ. അതായത് ആനയെ സുരക്ഷിതമായി പിടിക്കാവുന്ന രീതിയിൽ സ്കോഡു കാർ എല്ലാം വിദഗ്ദ പരിശീലനം നേടിക്കഴിഞ്ഞു.ഈ സ്കോഡിൽ ഇറങ്ങുന്നെവരെല്ലാം വർഷങ്ങളുടെ പരിചയസമ്പത്തും ഉള്ളവരാണ്.

ഞാൻ മുകളിൽ പറഞ്ഞതു പോലെ എങ്ങനെ മോഹൻദാസട്ടേൻ ഈ ക്യാപ്ച്ചർ ബെൽറ്റ് സംഭവം മനസ്സിൽ കടന്നുകൂടി.ഒരു സംഭവം കഥയിലേക്ക് നമുക്ക് പോകാം, വെറും പത്തു വയസ്സുള്ളപ്പോൾ ദാസേട്ടൻ വീട്ടിൽ നിന്ന് ഒളിച്ചോടി പോയ കാലം, ഒരു സർക്കസ് കമ്പനിയിൽ ജോലി ചെയ്തിരുന്നു. എകദേശം രണ്ടു വർഷം സർക്കസു കമ്പനിയിൽ ഉണ്ടായിരുന്നു. വടക്കേ ഇന്ത്യയിൽ സർക്കസുകാരുടെ സഞ്ചരിച്ചപ്പോൾ സർക്കസിൽ ആനകളെ എല്ലാം കെട്ടുന്നത് മുള്ളു ബെൽറ്റിലാണ്. ആ മുള്ളമ്പെൽറ്റ് ദാസേട്ടൻ്റെ മനസ്സിൽ ഓർമ്മയായി കിടന്നു.അതു പോലെ സർക്കസിൽ മദപ്പാടിൽ വരുന്ന ആനകളെ മാറ്റിക്കെട്ടാനുമൊക്കെ ആന കെണിപോലെ ക്യാപ്ച്ചർ ബെൽറ്റൻ്റെ ഒരു ഉപകരണം അന്ന് ഉപയോഗിച്ചിരുന്നു. അതിനെ രൂപപ്പെടുത്തിയെടുത്ത വേറൊരു മോഡലിൽ ആക്കിയിട്ടാണ് ഇങ്ങനെ ഒരു യന്ത്രത്തിലേക്ക് തിരിഞ്ഞുതും ഇടഞ്ഞ ആനകളെ ഫലപ്രദമായ രീതിയിൽ തളക്കാമെന്നുള്ളതും, മനസ്സിലാക്കി ഇങ്ങനെ ഒരു യന്ത്രം ഉണ്ടാക്കിയതും. നമുക്ക് കോന്നി ആന കൂട്ടിൽ പോയാൽ അവിടുത്തെ ഡിസ്പ്ലേയിൽ ആന കെണി എന്നൊരുകാണാൻ സാധിക്കും. പക്ഷെ ഇതു വെച്ച് ആനകളെ പിടിച്ചിട്ടുണ്ടോ എന്ന് അറിയില്ല. സത്യത്തിൽ ഒരു കാര്യം മനസ്സിലാക്കാം,ക്യാപ്ച്ചർ ബെൽറ്റ് വന്ന ശേഷം കേരളത്തിൽ മയക്കുവെടികളുടെ എണ്ണം തന്നെ കുറഞ്ഞു എന്നു പറയാം. ക്യാപ്ച്ചർ ബെൽറ്റ് ഉപയോഗിക്കുക എന്ന് പറഞ്ഞാൽ ആന അവിടെ നിന്നു തരുകയൊന്നുമില്ല. ബെൽറ്റ് ഇടുന്നതു മുതൽ പിന്നെ അതിനെ തളച്ചു ബന്തോസ് ആകുന്നതുവരെയുള്ള കുറച്ചു സമയം ആനയുടെ മനസ്സിനെ സൈക്കോളജിക്കലായിട്ട് പിടിച്ചുകെട്ടുക. ആദ്യം ആനയുടെ മനസ്സിനെ പിടിച്ചുകെട്ടുക, ആൾക്കാരെ കൊണ്ട് ബഹളം വെപ്പിക്കാതെ,തല്ലാതെ കണ്ട്,പ്രകോപിക്കാതെ കണ്ട്, തന്ത്രപൂർവ്വം മരത്തേൽ അടുപ്പിച്ച് വേറെ ചങ്ങലയും വടവുമൊക്കെ ഇട്ടുകെട്ടി ബെൽറ്റൊക്കെ അഴിച്ചു മാറ്റുന്നത് അവസാനമാണ്. ആനയെ ബന്തോസാക്കുന്നതു വരെ ആനയെ വെപ്രാളപ്പെടുത്താതെയും ഉപദ്രവിക്കാതെയും ആ ബെൽറ്റ് കാലേൽ കടിച്ചു നിൽക്കുന്ന ആ ഒരു ഭയത്തിൽ നിർത്തുകയാണ്.അങ്ങനെ ആനയുടെ ഉള്ള് ഭയപ്പെടുത്തി നിർത്തി കൊണ്ടാണ് ആ മനസ്സുമാറുന്നതിന് മുമ്പ് ആനയെ കെട്ടും. അത്രയും സമയം എടുക്കും, ചില ആനകളെ പതിനഞ്ച്, അല്ലങ്കിൽ അരമണിക്കൂർ കൊണ്ട് കെട്ടാം. ബെൽറ്റിട്ടാൽ പിന്നെ ആനയുടെ വഴക്ക് ഒരു പരിധി വരെ കഴിഞ്ഞു എന്നു പറയാം.കാര്യം ഇവിടെ ഒരു ഒത്തുതീർപ്പുപോലെയാണ്, കാര്യം ആനക്ക് മനസ്സിലാകും വേലയെടുത്തിട്ട് ഒരു കാര്യവുമില്ല, രക്ഷപെടാൻ പറ്റത്തില്ല എന്നുള്ളത്. എൻ്റെ അടുത്ത് ഒരു സുഹൃത്ത് പറഞ്ഞതുപോലെ ക്യാപ്ച്ചർ ബെൽറ്റിൻ്റെ പ്രാധാന്യം ജനങ്ങൾ മനസ്സിലാക്കണം, ഉത്സവങ്ങളും പൂരങ്ങളും നടക്കുന്ന സ്ഥലങ്ങളിൽ കമ്മറ്റിക്കാർ ഇത് വാങ്ങി സൂക്ഷിക്കുക,ആവശ്യങ്ങൾ വന്നാൽ ഉപയോഗിക്കാൻ ഈ ഒരു ഉപകരണം കൊണ്ട് സാധിക്കട്ടെ.

ഗുരുവായൂർ ദേവസ്വം,ദാസേട്ടൻ പെൻഷൻ പറ്റുന്നതിനു മുമ്പു തന്നെ മൂന്ന് ബൽറ്റ് മേടിച്ചു സൂക്ഷിച്ചിട്ടുണ്ടു്,ആവശ്യത്തിന് ഉപയോഗിക്കാറുമുണ്ട്.2008 കാലഘട്ടത്തിലാണ് എറ്റവും കൂടുതൽ ആനകളെ പിടിക്കുന്നത്,ആ സീസണിൽ എകദേശം ഇരുപത്തി എട്ടോളം ആനകളെ പിടിച്ചു.അതു പോലെ മുൻ വർഷവും പിൻ വർഷവുമെല്ലാം സമാനമായ രീതിയിൽ ആനകളെ പിടിക്കുകയുണ്ടായി. ഇങ്ങനെ ഒരു യന്ത്രം കണ്ടു പിടിച്ചതുകൊണ്ട് ആന കേരളത്തിന് ഒരു പാട് നേട്ടങ്ങൾ ഉണ്ടായി എന്നതാണ് .പക്ഷെ ഇങ്ങനെ ഒരു യന്ത്രം ശാസ്ത്രജ്ഞൻ അല്ലെങ്കിൽ അതുപോലുള്ള ഒരാളാണ് കണ്ടുപിടിച്ചിരുന്നെങ്കിൽ പല വഴിത്തിരിവുകളിലേക്ക് പോയേനെ. ഒരു പക്ഷെ സാധാരണക്കാരൻ അതെ ഒരു ആനക്കാരൻ കണ്ടുപിടിച്ചതു കൊണ്ടായിരിക്കും വേണ്ടത്ര അംഗീകാരം കിട്ടാതെ പോയതെന്ന് തോന്നുന്നു. ഒരു കാര്യം എടുത്തു പറയേണ്ടതുണ്ട് ആനകളുടെ ശരീരശാസ്ത്രം വ്യക്തമായി അറിയാവുന്ന ഒരാൾക്ക് മാത്രമേ ഇതുപോലെയുള്ള ഒരു യന്ത്രം ഉണ്ടാക്കാനും അത് ഉപയോഗിക്കാനുള്ള സംവിധാനത്തിലേക്ക് എത്താൻ സാധിക്കു. സാധാരണപ്പെട്ട ഒരാൾക്ക് അ ഇതുപോലുള്ള ഒരു യന്ത്രം കണ്ടുപിടിച്ചു ആനയെ വരുതിയിലാക്കുക എന്നുള്ളത് വളരെ ബുദ്ധിമുട്ടുള്ള കാര്യമാണ്. ആനയുടെ ശരീരഭാഷ നമ്മൾ ഉദ്ദേശിക്കുന്നതിലും പതിന്മടങ്ങ് കൂടുതലാണ്. തീർച്ചയായും എത്ര ബന്ധനത്തിൽ നിൽക്കുന്ന ആന ആണെങ്കിൽ പോലും അവർക്ക് ചാടാനും ഓടാനും ഒക്കെ ഉള്ള കഴിവുകൾ ഉണ്ട്, നാലു കാലും ചങ്ങലയിട്ടു പൂട്ടിയാൽ പോലും ആനക്ക് എന്തെല്ലാം ചെയ്യാൻ കഴിയും എന്നുള്ളത് നമുക്ക് ഊഹിക്കാവുന്നതേയൊള്ളൂ, ഇതിനൊക്കെ നമുക്ക് പല അനുഭവങ്ങളും ഉള്ളതാണ്. ഒരു കാര്യം എടുത്തു പറയേണ്ടതുണ്ട്, ആരു ചെയ്താലും നല്ലതാണെങ്കിൽ തീർച്ചയായും നല്ലത് തന്നെ പറയണം അതാണ് വേണ്ടത്, ഒരു ആനക്കാരൻ കണ്ടു പിടിച്ച സാധനം അങ്ങനെയൊന്നും ഇല്ല, അംഗികരിക്കണ്ട കാര്യം അംഗികരിക്കു തന്നെ വേണം.ഇവിടെ ഒരു ആനക്കാരൻ കണ്ടുപിടിച്ചതുകൊണ്ടായിരിക്കാം ഒരുപക്ഷേ വേണ്ടത്ര അംഗീകാരം കിട്ടാതെ പോയത്,എന്നാൽ പലരും ഈ ബെൽറ്റിനെതിരെ കുറ്റം പറഞ്ഞവർ ആവശ്യത്തിന് ഉപയോഗിച്ചിട്ടുമുണ്ട് എന്നുള്ളതാണ്, ഇപ്പോഴും ഉപയോഗിക്കുന്നു. ഏകദേശം ഈ ബെൽറ്റ് കണ്ടുപിടിച്ചിട്ട് ഇരുപത്തി അഞ്ച് വർഷം ആയിരിക്കുന്നു. ഇനിയും ഇതുപോലെയുള്ള പുതിയ സംവിധാനങ്ങളുമായി ദാസേട്ടൻ ഈ രംഗത്ത് പിടിച്ചു നിൽക്കട്ടെ എന്ന പ്രാർത്ഥനയോടെ……………

2018 മാർച്ച് 31 ശനിയാഴ്ച മാതൃഭൂമി പത്രത്തിൽ ‘നാട്ടാനകൾ ഇല്ലാതാകുമ്പോൾ’ എന്ന ലേഖനം വായിക്കുവാൻ ഇടയായി. അതിൽ ഏറ്റവും രസകരമായി തോന്നിയത് , ”ഇത്രത്തോളം നാട്ടാനകൾ ഉണ്ടായിട്ടും, ഇത്രയധികം പൂരങ്ങൾക്ക് ഇവയെ കൊണ്ടുവരുന്ന രീതിയുണ്ടായിട്ടും, ഇത്രയധികം ആനപ്രേമികൾ ഉണ്ടായിട്ടും ആന ചികിത്സ എന്നത് ഇപ്പോഴും ബാലികേറാമലയാണ് ” എന്ന അവരുടെ കണ്ടെത്തലാണ്. സംഭവം സത്യമാണ്. എന്നാൽ ഇതിന് ആരെയാണ് കുറ്റപ്പെടുത്തേണ്ടത്.?

മയക്കുവെടിക്ക് ഉപയോഗിക്കുന്ന സൈല സിൻ ഹൈഡ്രോക്ലോറൈഡ് പോലുള്ള മരുന്നുകളും മറ്റും ആനകളുടെ ആയുസ്സിന് ഭീഷണിയാകുന്നെന്ന വാദം നില നിൽക്കുമ്പോൾ തന്നെ ക്യാപ്ചർ ബെൽറ്റ് മൂലം മുറിവുകൾ ഉണ്ടാകാതിരിന്നിട്ടുപോലു,എന്നാൽ ആനകളുടെ അന്തകർ എന്ന രീതിയിൽ ക്യാപ്ച്ചർ ബെൽറ്റുകളുടെ ഉപയോഗത്തെ നിയന്ത്രിക്കുന്നതെന്തിനാണ്…… അങ്ങനെയും ഇവിടെ പ്രശ്നങ്ങൾ ഉണ്ടായിട്ടില്ലേ.ഇപ്പോൾ അങ്ങനെയുള പ്രശ്നങ്ങൾ ഒന്നും തന്നെ ഇല്ല എന്നു തന്നെ വിശാസിക്കാം.
{ᴋᴏᴍʙᴀɴᴢ}
…ഹാരിസ് നൂഹൂ…

E 4 Elephant ന്‍റെ എപ്പിസോഡുകള്‍ കോര്‍ത്തിണക്കി മാതംഗപ്പെരുമ നിങ്ങള്‍ക്കായി സമ്മാനിക്കുന്നൂ.

ആനയോടുള്ള ഇഷ്ടം മനസ്സില്‍ കൊണ്ടുനടന്ന പലരെയും ആനപ്രേമിയാക്കിമാറ്റിയ കുറച്ച് ഞായറാഴ്ചകളുണ്ടായിരുന്നൂ.
12 മുതല്‍ 12.30 വരെയുള്ള സമയം വിഡ്ഢിപ്പെട്ടിയ്ക്കുമുന്നിലിരുന്ന് കണ്ടുതീര്‍ത്ത ആനക്കഥകളുടെയും ആനയറിവുകളുടെയും വിശേഷങ്ങള്‍ ഒരിക്കല്‍ കൂടി കണ്ടാലോ…….
പലരും തിരക്കിനടന്ന *E 4 Elephant* ന്‍റെ എപ്പിസോഡുകള്‍ കോര്‍ത്തിണക്കി മാതംഗപ്പെരുമ നിങ്ങള്‍ക്കായി സമ്മാനിക്കുന്നൂ.
നാടിനായി വീട്ടിലിരിയ്ക്കുന്നവര്‍ക്ക് കുറച്ച് നല്ലനിമിഷങ്ങളുണ്ടാവുമെന്ന ഉറച്ച വിശ്വാസത്തോടെ..
*#മാതംഗപ്പെരുമ*
*#Keep social distancing*
*#Stay at home*

* ചെമ്പുത്ര ദേവീദാസൻ*

https://youtu.be/w6wqvjqaw8s

* ഗുരുവായൂർ ദേവസ്വം എലൈറ്റ് നാരായണൻകുട്ടി*

Part-1 https://youtu.be/V8BHYjvChTQ
Part-2

* അരുൺ ശിവനാരായണൻ*

https://youtu.be/CCFqrl5FSfk

* പൂതൃക്കോവിൽ വിനായകൻ*

https://youtu.be/e8ebsPbYX-w

* നന്ദിലത് വലിയ ഗോപാലകൃഷ്ണൻ*

https://youtu.be/F7kravfUi7M

* ആനമല കലിം*

https://youtu.be/qz1foNWPi90

* ബാസ്റ്റിൻ വിനയസുന്ദർ*

https://youtu.be/scSaFSweNY8

* കരുനാഗപ്പള്ളി മഹാദേവൻ*

https://youtu.be/S4xZ9j6akx8

* കോങ്ങാട് കുട്ടിശ്ശങ്കരൻ*

https://youtu.be/aBDJmF1nmcQ

* ശങ്കരംകുളങ്ങര മണികണ്ഠൻ*

* ചിറക്കൽ കാളിദാസൻ*

https://youtu.be/pHYJqxFKB8E

* ഈരാറ്റുപേട്ട അയ്യപ്പൻ*

https://youtu.be/FkBM0EMcseQ

* മധുരപ്പുറം കണ്ണൻ*

* പാറമേക്കാവ് രാജേന്ദ്രൻ*

* നാണുഎഴുത്തച്ഛൻ ശ്രീനിവാസൻ*

https://youtu.be/fMiNLjVx_P4

* ബാസ്റ്റിൻ വിനയശങ്കർ*

https://youtu.be/eFXKVHOfBXc

* പുത്തൻകുളം അനന്തപത്മനാഭൻ* (SK)

* തിരുവമ്പാടി ശിവസുന്ദർ & പാമ്പാടി രാജൻ*

* മംഗലാംകുന്ന് കർണൻ*

https://youtu.be/A3SqxZlJJDQ

* പുതുപ്പള്ളി സാധു*

* മലയാലപ്പുഴ രാജൻ*

https://youtu.be/8CKh7cYJvDE

* ആടിയാട്ട് അയ്യപ്പൻ*

https://youtu.be/XrMDcny_WVg

* ഗുരുവായൂർ ദേവസ്വം ഗോപീകൃഷ്ണൻ*

* ആതിര വിനോദ്*(ഭാരത് വിനോദ് )

* ഗുരുവായൂർ ദേവസ്വം ബൽറാം*.

* മംഗലാംകുന്ന് ഗണപതി*

https://youtu.be/GWphwycH6xQ

* കാണാവിള മഹാദേവൻ*

* ഉള്ളൂർ കാർത്തികേയൻ*

* പാമ്പാടി രാജൻ*

https://youtu.be/W9BT6P_2I5k

* പാറശാല ശിവശങ്കരൻ*

* ഗുരുജി അനന്തപത്മഭൻ*(ഊട്ടോളി ആനന്ദൻ )

* പുല്ലൂറ്റ് ഉണ്ണികൃഷ്ണൻ*

* ജോസ് ടിംബേർസ് ഗണപതി*(പാറമേക്കാവ് കാശിനാഥൻ)

* രവിപുരം ഗോവിന്ദൻ*

* പാറമേക്കാവ് പരമേശ്വരൻ*

https://youtu.be/2ehFBCUYEzk

* ഗുരുവായൂർ വലിയ കേശവൻ*

https://youtu.be/QhltUBiqs4M

* അരുണിമ പാർത്ഥസാരഥി*

* മുടയിൽ ഹരികൃഷ്ണൻ*

* തുഫാൻ ശ്രീക്കുട്ടൻ*

* പാറമേക്കാവ് പത്മനാഭൻ*

https://youtu.be/4aSYgUmZ5nE

* സാജ് പ്രസാദ്*

https://youtu.be/lhwZQ3HL5yw

* മുള്ളത് ഗണപതി*

* തിരുവമ്പാടി ചന്ദ്രശേഖരൻ*

* നന്ദിലത് പത്മനാഭൻ*(തുരുവേഗപ്പുറ പത്മനാഭൻ )

* ഊട്ടോളി പ്രസാദ് & ശിവൻ*

* ഗുരുവായൂർ ദേവസ്വം സിദ്ധാർത്ഥൻ*

* വയലൂർ പരമേശ്വരൻ*

* തിരുവമ്പാടി ശിവസുന്ദർ*

https://youtu.be/EElXdkNLg6s

* കുട്ടന്കുളങ്ങര രാംദാസ്*

https://youtu.be/mn3gdscH6fY

* ഗുരുവായൂർ പത്മനാഭൻ*

* ബാസ്റ്റിൻ വിനയചന്ദ്രൻ*

* തെച്ചിക്കോട്ടുകാവ് രാമചന്ദ്രൻ*

https://youtu.be/An6XfFpAVhE

* ഒളരിക്കര കാളിദാസൻ*

* വാദകുറുമ്പുകാവ് ദുർഗാദാസൻ*

* മഞ്ഞക്കടമ്പിൽ വിനോദ്*

* KKR പത്മനാഭൻ*

Part-1 https://youtu.be/LNFd51BqxEo
Part-2 https://youtu.be/1WLOZZu_WqA

* കീർത്തന കാർത്തിക്*

* വിജയ് &സുജയ്*(twins)

* പുന്നത്തൂർ കോട്ട*

വീട്ടിൽ ഇരുന്ന് ബോറടിക്കുന്ന ആനപ്രാന്തന്മാർക്ക് ഈ ലിങ്കുകൾ അല്പം ആശ്വാസം ആവും എന്ന പ്രതീക്ഷയോടെ…..

*മാതംഗപ്പെരുമ*
നമ്മുടെ കൂട്ടായ്മ നന്മയുടെ കൂട്ടായ്മ

ദാ കുറച്ച് ആന സിനിമകൾ Lockdown ആയി ഇരിക്കുന്ന ആന പ്രേമികൾക്ക്

Lockdown ആയി ഇരിക്കുന്ന ആന പ്രേമികൾക്ക്
ആനകൾ കഥാപാത്രം ആയി വന്ന കുറെ സിനിമകൾ

ആനചന്തം

ഗജരാജമന്ത്രം

സമ്മാനം

ആന

പ്രായിക്കാരപാപ്പാൻ

ഗജകേസരിയോഗം

ഗുരുവായൂർ കേശവൻ

കൊലകൊമ്പൻ

ആനപ്പാച്ചാൻ

അടിവേരുകൾ

സിന്ദൂരചെപ്പ്

തൃശൂർ പൂരം മാറ്റിയേക്കും? തീരുമാനം ഏപ്രിൽ 15 നു

തൃശ്ശൂർ പൂരം മറ്റൊരു ദിവസത്തേക്ക് മാറ്റി വെക്കാൻ പറ്റുന്ന ചടങ്ങല്ല. അത് പൂരം നാളിൽ തന്നെ നടക്കും , നടത്തും .ആഘോഷങ്ങൾ ഇല്ലാതെ ആചാര ചടങ്ങുകൾ നടക്കും(ആവശ്യമെങ്കിൽ മാത്രം ).അത് മറ്റൊരു ദിവസത്തേക്ക് മാറ്റി വെക്കാവുന്നതല്ല. വിശദീകരണത്തിൽ വന്ന പിഴവാണെന്നു തോന്നുന്നു.

കൊറോണ വൈറസ് മലയാലപ്പുഴ പൂരം മാറ്റിവെച്ചു

കോവിഡ് 19???? പകർച്ചവ്യാധികൾ പടർന്നുകൊണ്ടിരിക്കുന്ന നിലവിലെ സാഹചര്യത്തിൽ മുൻകരുതലിന്റെ ഭാഗമായി മലയാലപ്പുഴ ക്ഷേത്രത്തിലെ ഉത്സവത്തോടനുബന്ധിച്ച് വൻഭക്തജനത്തിരക്ക് ഉണ്ടാകാൻ സാധ്യതയുള്ള എല്ലാ സാഹചര്യങ്ങളും പരിപാടികളും ഒഴിവാക്കാൻ ഇന്ന് മലയാലപ്പുഴ പഞ്ചായത്ത്‌ ഓഫീസിൽ ചേർന്ന യോഗത്തിൽ തീരുമാനമായി. ആയതിനാൽ കലാപരിപാടികൾ, ഘോഷയാത്ര തുടങ്ങിയ ചടങ്ങുകൾ ഉപേക്ഷിക്കും. പൂരം അനുയോജ്യമായ മറ്റൊരുദിവസം കണ്ടെത്തി നടത്തുമെന്ന് കരകമ്മിറ്റി അറിയിച്ചു. മാതൃകപരമായ ഈ തീരുമാനത്തോട് എല്ലാവിധത്തിലും ഭക്തജനങ്ങളും നാട്ടുകാരും സഹകരിക്കണമെന്ന് അഭ്യർത്ഥിക്കുന്നു…

തെച്ചികോട്ടുകാവ് രാമചന്ദ്രനും ഗോപാൽജിയുമായുളള ബന്ധം

ഒരു പക്ഷെ ഏറ്റവും കൂടുതൽ ജനങ്ങൾ ആനയെ സ്നേഹിക്കുന്ന നാട് എന്ന് പറയുന്നത് നമ്മുടെ നാട് അതെ ദൈവത്തിന്റെ സ്വന്തം നാടായ കേരളം തന്നെയാണ് എന്ന് നിസംശയം പറയാം,അതു മാത്രമല്ല ആനകൾക്ക് എറ്റവും കൂടുതൽ ആരാധകൾ ഉള്ളത് തൃശ്ശൂർ എന്ന സാംസ്കാരിക നഗരത്തിലും.
ചെങ്ങല്ലൂർ രംഗനാഥൻ വർഷങ്ങൾക്കു മുമ്പ് ചെരിഞ്ഞ ഏറ്റവും തലയെടുപ്പുള്ള ആന
തൃശ്ശൂർ കാഴ്ച്ച ബംഗളാവിൽ നമുക്ക് ആനയുടെ സെകെല്റ്റൻ കാണാൻ സാധിക്കുമെന്നുള്ളതാന്ന്.

ആനക്കേരളത്തിന്റെ ഇന്നത്തെ സൂപ്പർ സ്റ്റാർ നീരുകാലത്തിന്റെ ദിനങ്ങളിലാണ്.കലിയുഗത്തിൽ മലയാള മണ്ണും ഒരു ജനതയും നെഞ്ചോട് ചേർത്തു നിർത്തിയ മനുഷ്യനായി പിറക്കാതെ ഗജരാജ ഇതിഹാസം രചിച്ച തെച്ചിക്കോട്ട് കാവിലമ്മയുടെ മാനസപുത്രൻ പൂര വിളംബര നായകൻ തെച്ചിക്കോട്ട് രാമചന്ദ്രൻ.മാരിവില്ലും തോല്ക്കുന്ന ചന്തം മാതംഗത്തിന് തന്നെയെന്ന് മടിയാതെ ചൊല്ലിയ അഴകിന്റെ പ്രതി രൂപചക്രവർത്തി.

മദപ്പാട് അഥവാ നീരുകാലം ആനകളെ സംബന്ധിച്ച് മോശമായ ദിനങ്ങൾ സ്വന്തം നിഴലിനോടുപോലും ദേക്ഷ്യം തീർക്കുന്ന അവസ്ഥ എന്തു കണ്ടാലും പ്രതേകിച്ച് ചട്ടക്കാർ ശ്രുതുക്കൾ ആകുന്ന സമയം എന്തിനെയും തല്ലി നശിപ്പിക്കാൻ ഉള്ള മനോഭാവം ചിലസമയം എങ്കിലും കാടിന്റെ വന്യസ്വഭാവം പ്രകടിപ്പിക്കും. നീരിന്റെ തുടക്ക ദിവസങ്ങളിൽ വലിയ പ്രശ്നം ഇല്ലാതെ നിൽക്കുന്നവൻ ഒലിവ് ആരംഭിച്ചാൽ തീർത്തും മറ്റൊരു സ്വഭവമുള്ളവനായി മാറും എന്നാൽ ഒലിവ് മാറിതുടങ്ങിയാൽ ഇവൻ പഴയതു പോലെ ആവുകയും ചെയ്യും, അതുപോലെ ചട്ടകാരനെ അനുസരിക്കാനും തുടങ്ങും. ചുരുക്കം ചില ആനകൾ നീരിലും ശാന്ത സാഭവമുള്ളവരാണ്.

രാമന്റെ നീരു കാലം തുടങ്ങുന്നത്
ഉത്സവങ്ങള്‍ കഴിയുന്ന സമയത്താണ്‌. എകദേശം അഞ്ചുമാസത്തോളം നീണ്ടു നില്‍ക്കും. ഇവന്റെ നീരിന്റെ സമയം വര്‍ഷങ്ങളായി അറിയാവുന്നതുകൊണ്ട്‌ നേരത്തെ തന്നെ കെട്ടും. സാധാരണ ആനകൾക്ക് നീരിന്റെ തുടക്കത്തില്‍ കാണിക്കുന്ന ചില ബഹളം ഒക്കെ ഇവനും ഉണ്ടാകും. പാപ്പാന്മാരോട് അകല്‍ച്ച കാണിക്കും എന്നാല്‍ അയല്പക്കത്തുള്ള ചിലരോട് അടുപ്പം വിടാറുമില്ല. പിന്നെ കന്നം വീര്‍ക്കലും നീരൊഴുകളുമൊക്കെയായി അതങ്ങിനെ തുടരും. ജനുവരിയില്‍ അവനെ അഴിക്കാറാകും. നീരു കാലത്ത് നമുക്ക് അറിയാം, ഒട്ടുമിക്ക ആനകളും മറ്റുള്ളവരെയും ചട്ടക്കാരെയും അടുത്തു കാണാൻ അഗ്രഹിക്കാറില്ല, എന്നാൽ എത്ര നീരസമയത്താണെങ്കിലും ചിലർക്കൊക്കെ രാമന്റെ അടുത്തു പോകാൻ സാധിക്കും ഭക്ഷണം കൊടുക്കാൻ സാധിക്കും അതിന് രാമൻ അനുവദിക്കുകയും ചെയ്യും. നമ്മൾ ഇന്ന് പറയുന്നതും അങ്ങനെ ഒരു വ്യക്തിയെ ആണ് ,അദ്ദേഹത്തെ അറിയപ്പെടുന്നത് ഗോപാൽ ജീ എന്നാണ്.

രാമന്റെ നീരുകാലം എന്നു പറയുമ്പോൾ പെട്ടന്ന് ഓർമ്മ വരുന്ന കാര്യം പേരാമംഗലം വല്ല്യാനയും ഗോപാൽജിയും തമ്മിലുള്ള അതിർവരമ്പുകളില്ലാത്ത സൗഹാർദ്ദത്തിന്റെ  കഥ പിന്നെ എടുത്തു പറയേണ്ട രണ്ടു മൂന്നു പേർ വേറെയും ഉണ്ട്.രാമനെ നേരിട്ട് അറിയുന്നവർക്ക് സുപരിചിതമാണ് ഗോപാൽജിയും ആനയുമായുള്ള അടുപ്പത്തിന്റെ കാഴ്ച്ചയും. ഇവർ തമ്മിൽ സംസാരിക്കുന്ന ഭാഷ ഇവരുടെ രണ്ടു പേരുടെയും സ്വകാര്യ അഹങ്കാരം കൂടിയാണെന്ന് പറയാം. അതെ ഒരോ വ്യക്തികൾക്കും ഒരോ തരത്തിലുള്ള ബന്ധം ആണ്, ഇവിടെ ഗോപാജിയും ആനയും തമ്മിലുള്ള സുഹൃത്ത് ബന്ധം മനസ്സു തുറന്നു സംസാരിക്കാൻ ഒരു ചങ്ങാതി ഉണ്ടെങ്കിൽ അതിലും വലിയ ഭാഗ്യം വേറെ എന്തുണ്ട്, അതെ ആ ഒരു ബന്ധമാണ് നമുക്ക് ഇവിടെ കാണാൻ സാധിക്കുന്നത്.

എത്ര താട മുട്ടി ഒലിവിലും ഗോപാൽജിക്ക് രാമന്റെ അടുത്ത് പൂർണ്ണസ്വാതന്ത്ര്യം എടുക്കാം. പണ്ട് മുതലേ രാമൻ കൽപ്പിച്ചു നിൽകിയ അനുമതി ആണത്. ഗോപാൽജി പറയുന്നതു പോലെ രാമൻ നമ്മുടെ ജീവനല്ലേ.. അവനെ വിട്ട് ഒരു കളി ഇല്ലെന്നുള്ള കാര്യം.

ഗോപാൽജി യെക്കുറിച്ച് ടി.പി.ശണൻ നാരയണൻ കുട്ടി അദ്ദേഹം പറഞ്ഞ ചില കാര്യങ്ങൾ…
ഞാൻ ഡോക്ടർ എന്നൂ അഭിസംബോധന ചെയ്യൂന്ന ഗോപാൽജി …വനിതയിലെ ലേഖനത്തിൽ പറഞ്ഞ ഗോപാലകൃഷ്ണൻ .എന്ന ഗോപാൽജി..യാണ്…
ചിലപ്പോൾ ഒക്കെ രാമനെ കാണാൻവരും .രാമനുമായി വലിയ ബന്ധമാണ്. ഗോപാൽ ജി എകാന്തപതികൻ ആണ് ,വീട്ടിൽ ആരുമില്ലാ വിവാഹംകഴിച്ചിട്ടില്ല.

രാമന് ഒലിച്ചു ഇനി പാപ്പാൻമാരെ അടുപ്പിക്കില്ല അതാണ് രാമന്റെ സ്വഭാവം. ഒരു പഴയ കഥ, ശരൺ അദ്ദേഹം പറഞ്ഞത്,പണ്ട് രാമന്റെ തുമ്പികൈയിലെ മുറിപാട് മരൂന്നൂ വെച്ച് (അതും മദപാട് കാലത്ത് ) ഉണക്കിയത് ഇദ്ദേഹമാണ് 1987 മുതലുളള ബന്ധമാണ്.
ഡോക്ടർമാർക്ക് മദപാട് സമയത്ത് മരുന്ന് നിർദ്ദേശിക്കാനേ പറ്റു.പ്രതേകിച്ച് മുറിവ് അതു പോലെ എന്തെങ്കിലും വന്നാൽ ഡോക്ടർ നിർദ്ദേശിക്കും, ഗോപാൽജി മരുന്നു വെക്കും, അതാണ് ഇവർ തമ്മിലുള്ള സ്നേഹബന്ധം.

ആനകളെ വളരെ മോശമാണെന്നും മറ്റും ചിത്രീകരിക്കുന്നവരോടും ,ഇ വരെ കാട് കയറ്റി വിടണം എന്നൊക്കെ മുറവിളി കൂട്ടുന്നവരുമൊക്കെ ഒന്നു മനസ്സിലാക്കണം, ആനകളെ അറിയണമെങ്കിൽ അവയുടെ അടുത്ത് ചെല്ലണം, എന്നാൽ മാത്രമെ ആനയെന്തെന്ന് മനസ്സിലാക്കാൻ സധിക്കു.നീരു കാലം കഴിഞ്ഞ് പൂരപ്പറമ്പുകളിൽ ആവേശം വിതറാൻ ഇനി വളരെ കുറച്ചു നാളുകൾ മാത്രം, പരദേവതയുടെ അനുഗ്രഹം വാങ്ങി തന്നെ സ്നേഹിക്കുന്നവരുടെ ലോകത്തിലേക്ക് രാമൻ രാജാവല്ല ഒരു ജനതയുടെ നെഞ്ചിൽ കുടികൊള്ളുന്ന മാതംഗ വിസ്മയം ഉടൻ വരുമെന്ന് നമുക്കെല്ലാം കാത്തിരിക്കാം. രാമൻകഥകൾ അവസാനിക്കുന്നില്ല, തുടരും….
…ഹാരിസ് നൂഹൂ…

ഗജരത്നം ഗുരുവായൂർ പദ്മനാഭൻ ചരിഞ്ഞു Guruvayur Padmanabhan

ആനകളിലെ ദൈവം പടിയിറങ്ങി.. ഗുരുവായൂർ പത്മനാഭന് പ്രണാമം

കേശവന്റെ പിൻഗാമി ആയി കേശവന്റെ ജന്മസ്ഥലത്തുനിന്നും ഗുരുവായൂരപ്പനെ സേവിക്കാനായി തന്റെ ജീവിതം ഒഴിഞ്ഞു വച്ച നാടൻ ആനച്ചന്ദം. പ്രത്യക്ഷ ദൈവം ഗജരത്നം ഗുരുവായൂർ പത്മനാഭൻ ഓർമയായി..????????????????????

ഊത്രളികാവ് വെടിക്കെട്ട് തൽസമയ ദൃശ്യം. HD LIVE ഉത്രാളിക്കാവ് പൂരം 2020

LIVE ഉത്രാളിക്കാവ് പൂരം 2020

കേരളക്കരയിലെ തന്നെ പ്രശസ്തമായ പൂരങ്ങളില്‍ ഒരു പൂരമാണ്‌ ഊത്രാളിക്കാവ് പൂരം.. തൃശ്ശൂര്‍ ജില്ലയിലെ വടക്കാഞ്ചേരി എന്ന സ്ഥലത്തെ “രുധിരമാഹാകാളികാവ് ” ക്ഷേത്രത്തിലാണ് ഈ പൂരം കൊണ്ടാടുന്നത്.. ദൃശ്യചാരുതയാലും, സാംസ്ക്കാരിക തനിമയിലും പ്രസിദ്ധമായ ഊത്രാളി പൂരം ഏതൊരു വടക്കാഞ്ചേരിക്കാരന്റെയും അഭിമാനമാണ്.. ഇത് വടക്കാഞ്ചേരി നിവാസികളെ സംബന്ധിച്ച് വെറും ഒരു പൂരം മാത്രമല്ല ഒരു നാടിന്റെ സംസ്ക്കാരമാണ്, ഐക്യമാണ്, എല്ലാറ്റിനും ഉപരി അവരുടെ സ്വകാര്യ അഹങ്കാരമാണ്.. കുമരനെല്ലൂര്‍, വടക്കാഞ്ചേരി, എങ്കക്കാട് എന്നീ ദേശങ്ങള്‍ ഒരേ മനസ്സോടെ ഒന്നിച്ചു ചേര്‍ന്ന് നടത്തുന്ന ഉത്രാളി പൂരം ഏതൊരു മനുഷ്യന്റെ മനസ്സിലും മായാത്ത ഓര്‍മയാണ്..

മൂന്നു ദേശങ്ങളും സൗഹൃദപരമായാണെങ്കിലും മത്സരിച്ചു നടത്തുന്ന ഈ പൂരം ജാതിമതഭേദമന്യേ ഏവരും കൊണ്ടാടുന്നു.. ആനപ്പൂരം, പഞ്ചവാദ്യം, പാണ്ടിമേളം, കൂട്ടഎഴുന്നള്ളിപ്പ്, കുടമാറ്റം എന്നീ പൂരക്കഴ്ചകളാല്‍ സമ്പന്നമായ ഈ പൂരം പക്ഷെ ഏറ്റവും പ്രസിദ്ധിയാര്‍ജിച്ചത് കണ്ണഞ്ചിപ്പിക്കുന്ന കരിമരുന്നു പ്രയോഗം കൊണ്ടാണ്.. മൂന്നു ദേശങ്ങളും മത്സരിച്ചു നടത്തുന്ന ഈ വെടിക്കെട്ട്‌ കാണാന്‍ വിവിധ ദേശങ്ങളില്‍ നിന്നും പതിനായിരങ്ങള്‍ ഒത്തുചേരുന്നു.. ഊത്രാളി പൂരത്തിന്റെ മാത്രം പ്രത്യേകതയാണീ ദൃശ്യവിരുന്നു.. മൂന്നു ദേശങ്ങളില്‍ എന്നും മുന്നില്‍ നില്‍ക്കുന്ന “കുമരനെല്ലൂര്‍ ദേശം” പൂരത്തെ കൊണ്ടാടാനായി ഒരുക്കുന്ന പൂരപ്രദര്‍ശനം, പൂരപന്തല്‍, പൂരത്തിനായി അണിനിരത്തുന്ന ഗജവീരന്മാര്‍, മേളകുലപതികള്‍ എന്നിവയെല്ലാം മറ്റുള്ളവരില്‍ നിന്ന് എന്നും വേറിട്ട്‌ നില്‍ക്കുന്നതാണ്..

Uthralikavu Pooram ഉത്രാളിക്കാവ് പൂരം 25-02-2020 നാളെ Uthralikavu Pooram

തൃശൂർ പൂരം കഴിഞ്ഞാൽ കേരളത്തിലെ ഏറ്റവും പേരുകേട്ട പൂരമാണ് ഉത്രാളിക്കാവ് പൂരം. പൂരങ്ങളുടെ ജില്ലയായ തൃശൂർ ജില്ലയിൽ തന്നെയാണ് ഈ പൂരവും നടക്കുന്നത്. തൃശ്ശൂർ ജില്ലയിലെ വടക്കാഞ്ചേരിക്കടുത്തുള്ളപ്രശസ്തമായ ഒരു അമ്പലമാണ് ഉത്രാളിക്കാവ് അമ്പലം അഥവാ രുധിരമഹാകാളിക്കാവ് ക്ഷേത്രം. ആദിപരാശക്തിയുടെ(ദുർഗ്ഗ) ഉഗ്രരൂപമായ “രുധിര മഹാകാളി” ആണ് പ്രതിഷ്ഠ. മദ്ധ്യകേരളത്തിലെ പ്രശസ്തമായ വേല ഉത്സവങ്ങളിൽ ഏറ്റവും പ്രധാനമാണു് വെടിക്കെട്ടിനു പ്രാധാന്യമുള്ള ഉത്രാളിക്കാവ്.

ഉത്രാളിപ്പാടത്തും പരിസരങ്ങളിലും തിങ്ങിനിറയുന്ന ജനലക്ഷങ്ങളെ വിസ്മയിപ്പിക്കാൻ ഇനി മണിക്കൂറുകൾ മാത്രം. അകമല കുന്നുകളിലും മരങ്ങളുടെ മുകളിലും സംസ്ഥാന പാതയോരത്തെ പറമ്പുകളിലുമായി തിങ്ങിനിറഞ്ഞു നിൽക്കുന്ന ജനസഞ്ചയം ദൃശ്യചാരുതയുടെ മികവിന്റെ പൂരത്തിനു സാക്ഷികളാകാൻ 24 മണിക്കൂറിൽ താഴെ മാത്രം.വിദേശ ആഭ്യന്തര ടൂറിസ്റ്റുകളും പൂരപ്രേമികളും കേരളത്തിലെ ഏറ്റവും പ്രഗത്ഭരായത വാദ്യകലാകാരന്മാര്‍ തീര്‍ക്കുന്ന നാദപ്രപഞ്ചവും ഗജരാജാക്കന്മാര്‍ അണിനിരന്ന കൂട്ടിയെഴുന്നള്ളിപ്പും ഉത്രാളിക്കാവില്‍ മാത്രം കാണുന്ന കരിമരുന്നിന്റെ രൗദ്രതയും കണ്ട് ആസ്വദിക്കാൻ എല്ലാ പൂര ഉത്സവപ്രേമികളുടെ കണ്ണം മനസ്സം നിറക്കാൻ ഉത്രാളിക്കാവ് ഒരുങ്ങി കഴിഞ്ഞു.

മദ്ധ്യകേരളത്തിലെ പുരാതനമായ വേല ആഘോഷങ്ങളിൽ പ്രമുഖമായ സ്ഥാനമാണു് ഉത്രാളിക്കാവിലെ പൂരത്തിനുള്ളതു്. ഇവിടുത്തെ വാര്‍ഷിക മഹോത്സവമാണ്‌ ഉത്രാളിക്കാവ്‌ പൂരം. ഭദ്രകാളി പ്രധാന ദേവതയായിട്ടുളള ഈ ക്ഷേത്രത്തിലെ പൂര മഹോത്സവം കുംഭമാസത്തിലെ
ആദ്യത്തെ വെള്ളിയാഴ്ച കഴിഞ്ഞുള്ള ചൊവ്വാഴ്ചയാണ് ഉത്സവം കൊടിയേറുന്നതു്. ഈ എട്ടു ദിവസവും രാവും പകലും ആനകളുടെ ഘോഷയാത്രയും പാണ്ടിമേളവും പഞ്ചവാദ്യവും ഉണ്ടായിരിക്കും. കാഴ്‌ച്ചക്കാര്‍ ആനന്ദം പകരാന്‍ കേരളത്തിന്‌റെ തനതായ കലാരൂപങ്ങളടെ അവതരണവും ക്ഷേത്ര (ഇതേ ദിവസം തന്നെയാണു് നാലുകിലോമീറ്റർ അകലെയുള്ള പ്രസിദ്ധമായ മച്ചാട്ടുവേലയും). ഒരാഴ്ച നീണ്ടുനിൽക്കുന്ന ഉത്സവത്തിന്റെ സമാപനദിവസമാണു് പൂരവും അതിനോടനുബന്ധിച്ച മറ്റു പരിപാടികളും.

എങ്കക്കാവ്, കുമരനെല്ലൂർ, വടക്കാഞ്ചേരി എന്നീ ദേശങ്ങളിൽ നിന്നുള്ള മൂന്നു പങ്കുകാരാണു് ഉത്രാളിക്കാവ് വേലയുടെ പ്രധാന നടത്തിപ്പുകാർ. സാധാരണ, ഓരോ ദേശക്കാരും പതിനൊന്നു് ആനകൾ വീതം മൊത്തം 33 ആനകളെ പൂരത്തിനു് എഴുന്നള്ളിക്കുന്നു. ഇതുകൂടാതെ വിവിധ സമുദായക്കാരുടേതായി കുതിരവേല, കാളവേല, ഹരിജൻ വേല എന്നീ പരിപാടികളും മുട്ടിറക്കൽ എന്ന വഴിപാടുചടങ്ങും പതിവുണ്ട്.

ഉത്സവത്തിലെ മറ്റൊരു പ്രശസ്ത ഇനം ഇവിടത്തെ ‘നടപ്പുര’ പഞ്ചവാദ്യം ആണു് . ക്ഷേത്രവാദ്യാസ്വാദകർക്ക് തൃശ്ശൂർ പൂരത്തിന്റെ ‘ഇലഞ്ഞിത്തറ മേളം’(പാണ്ടിമേളം), ‘മഠത്തിൽനിന്നുള്ള വരവ്’(പഞ്ചവാദ്യം), ആറാട്ടുപുഴ ‘കൈതവളപ്പ്’ പാണ്ടിമേളം, ശേഷമുള്ള പഞ്ചാരി ഇവയെപ്പോലെത്തന്നെ പ്രിയങ്കരമാണു് ‘നടപ്പുര’ പഞ്ചവാദ്യവും.

കുന്നുകൾക്കിടയിൽ സ്ഥിതിചെയ്യുന്ന ഉത്സവപ്പറമ്പിന്റെ ഭൂപ്രകൃതിയിലുള്ള പ്രത്യേകത മൂലം അസാമാന്യമായ ശബ്ദഗാംഭീര്യം ജനിപ്പിക്കുന്ന വെടിക്കെട്ടാണു് ഉത്രാളിക്കാവ് പൂരത്തിന്റെപ്രത്യേകത. പൂരദിവസം സന്ധ്യയ്ക്കും പിറ്റേന്നു പുലർച്ചേ നാലുമണിക്കും മത്സരാടിസ്ഥാനത്തിൽ നടക്കുന്ന വെടിക്കെട്ട് സുരക്ഷിതമായും വ്യക്തമായും കണ്ടാസ്വദിക്കാനും ഈ കുന്നുകൾ സൌകര്യപ്രദമാണു്.

യാത്രാസൗകര്യം
******
ഉത്രാളിക്കാവിൽ എത്തിച്ചേരാൻ
************
തൃശരിൽ നിന്ന് ഷോർണൂരിലേക്ക് പോകുന്ന റൂട്ടിൽ വടക്കഞ്ചേരിയിൽ നിന്ന് 2 കിലോമീറ്റർ അകലെയായി പരുത്തിപ്പാറയിലാണ് ഈ ക്ഷേത്രം സ്ഥിതി ചെയ്യുന്നത്. വടക്കാഞ്ചേരിയിൽ റെയിൽവേസ്റ്റേഷനുണ്ട്. അല്ലെങ്കിൽ തൃശൂരിലോ ഷോർണൂരിലോ ട്രെയിൻ ഇറങ്ങി സ്വകാരി ബസിൽ വടക്കാഞ്ചേരിയിൽ എത്തിച്ചേരാം.
സമീപ റെയില്‍വെ സ്റ്റേഷന്‍ : തൃശ്ശൂര്‍, ഏകദേശം 20 കി. മീ. അകലെ
സമീപ വിമാനത്താവളം : കൊച്ചിന്‍ ഇന്റര്‍നാഷണല്‍ എയര്‍പോര്‍ട്ട്, തൃശ്ശൂരില്‍ നിന്ന് ഏകദേശം 58 കി. മീ. അകലെ..

ഉത്രാളിക്കാവ് പൂരം പങ്കെടുക്കുന്ന ഗജവീരൻമാരും അവരുടെ ദേശവും
************
എങ്കക്കാട് ദേശം
******
തിരുവമ്പാടി ചന്ദ്രശേഖരൻ
ഈ ദേശത്തിനു വേണ്ടി ചന്ദ്രശേഖരൻ തിടമ്പേറ്റും
***********
പുതുപ്പള്ളി സാധു
കിരൺ നാരായണൻകുട്ടി
ഊക്കൻസ് കുഞ്ചു
എടക്കളത്തൂർ അർജുനൻ
നായരമ്പലം രാജശേഖരൻ
തെച്ചിക്കോട്ടുകാവ് ദേവീദാസൻ
പനങ്കുളത്തുക്കാവ് ജഗന്നാഥൻ
വലിയപുരക്കൽ സൂര്യൻ
വരടിയം ജയറാം
മച്ചാട് ധർമൻ
വലിയപുരക്കൽ ആര്യനന്ദൻ
അക്കിക്കാവ് കാർത്തികേയൻ
ഓമലൂർ ഗോവിന്ദൻകുട്ടി

വടക്കാഞ്ചേരി ദേശം
********
പാമ്പാടി രാജൻ
*ഈ ദേശത്തിനു വേണ്ടി
പാമ്പാടി രാജൻ തിടമ്പേറ്റും*
**********
ഭാരത് വിനോദ്
ഉഷശ്രീ ശങ്കരൻകുട്ടി
നന്ദിലത് ഗോപാലകൃഷ്ണൻ
വൈലാശ്ശേരി അർജുനൻ
കാഞ്ഞിരങ്ങാട്ട് ശേഖരൻ
ചെർപ്പുളശ്ശേരി ശ്രീ അയ്യപ്പൻ
പൂതൃക്കോവിൽ പാർത്ഥസാരഥി
മച്ചാട് കർണൻ
എഴുത്തച്ഛൻ ശങ്കരനാരായണൻ
ഉഷശ്രീ ദുർഗ ദാസൻ
വടക്കുറുമ്പക്കാവ് ദുർഗദാസൻ
ശ്രീഭദ്ര ആദി കേശവൻ

കുമരനെല്ലൂർ ദേശം
********
പുതുപ്പള്ളി കേശവൻ
*ഈ ദേശത്തിനു വേണ്ടി
പുതുപ്പള്ളി കേശവൻ തിടമ്പേറ്റും*
************
പാമ്പാടി സുന്ദരൻ
ബാസ്റ്റിൻ വിനയസുന്ദർ
പാറന്നൂർ നന്ദൻ
മുള്ളത് ഗണപതി
മച്ചാട് ഗോപാലൻ
മനിശ്ശേരി രാജേന്ദ്രൻ

വടക്കാഞ്ചേരി, കുമാരനെല്ലൂര്‍, എങ്കക്കാട് ദേശങ്ങളാണ് പൂരത്തിനു നേതൃത്വം നല്‍കുന്നത്. നാളെ രാവിലെ 11.30ഓടെ എങ്കക്കാട് വിഭാഗം കാവില്‍ നാദപ്പെരുമഴയ്ക്കു തുടക്കം കുറിക്കുന്നതോടെയാണ്  24 മണിക്കൂര്‍ നീണ്ടുനിന്ന ഉത്രാളിക്കാവ് പാടം പൂത്തുതുടക്കം ആകുന്നത്.ഈസമയത്ത് കുമരനെല്ലൂര്‍ വിഭാഗം ഉത്രാളിക്കാവിലേക്കു പുറപ്പെടും. രണ്ടോടെ എങ്കക്കാട് വിഭാഗം ക്ഷേത്രത്തില്‍ എഴുന്നള്ളിപ്പ് പൂര്‍ത്തിയാക്കി മുല്ലയ്ക്കല്‍ ആലിന്‍ചുവട്ടിലേക്കും പിന്‍വാങ്ങുന്നതോടെ കുമരനെല്ലൂര്‍ വിഭാഗത്തിന്റെ എഴുന്നള്ളിപ്പിനു തുടക്കമാകും. വടക്കാഞ്ചേരി വിഭാഗത്തിന്റെ ചരിത്രപ്രസിദ്ധമായ നടപ്പുരവാദ്യത്തിന് ടൗണിലെ കരുമരക്കാട് ശിവക്ഷേത്രത്തില്‍ തുടങ്ങും.

കോവിലകത്തും പൂരമെന്നു വിശേഷിപ്പിക്കുന്ന വടക്കാഞ്ചേരി വിഭാഗത്തിന്റെ എഴുന്നള്ളിപ്പിനു രാജകീയ പ്രൗഡിയോടെ തോക്കേന്തിയ പോലീസ് അകമ്പടിയാകും. മേളത്തിനുപിന്നാലെ ആകാശ ത്തെ മേളപ്പെരുക്കത്തിനും തട്ടകദേ   ശങ്ങള്‍ തിരികൊളുത്തും. ഊഴമനുസരിച്ച് എങ്കക്കാട് വിഭാഗം ആദ്യം കമ്പക്കെട്ടിനു തുടക്കം കുറിക്കും. കൂട്ടിയെഴുന്നള്ളിപ്പിനുശേഷം രാത്രി ഒമ്പതോടെ യാണ് എങ്കക്കാട് വിഭാഗം കരിമരുന്നിനു തീകൊളുത്തുന്നത്.   കുമരനെല്ലൂര്‍ ദേശം വൈകിട്ട് അ ഞ്ചോടെ കമ്പക്കെട്ടിനു തുടക്കം കുറിക്കും. തുടര്‍ന്ന് വടക്കാഞ്ചേരി വിഭാഗവും വെടിക്കെട്ടിനു തീ പകര്‍ന്നു നൽകും. ഉത്രാളിപ്പാടത്തിനിടയിലൂടെ  കടന്നുപോകുന്ന റെയില്‍വേപാതയ്ക്ക് ഇരുവശത്തുമായിരുന്നു എങ്കക്കാട് വിഭാഗത്തിന്റെ വെടിക്കെട്ട് നടക്കുന്നത്.

കുമരനെല്ലൂര്‍, വടക്കാഞ്ചേരി വിഭാഗങ്ങളുടെ വെടിക്കെട്ടിനുശേഷം മൂന്നു ദേശങ്ങളും കാവിന് അഭിമുഖമായി 33 ഗജനിരയുമായി അണിനിരക്കും. തുടര്‍ന്ന് കൂട്ടിഎഴുന്നള്ളിപ്പും കുടമാറ്റവും നമുക്ക് കാണാൻ സാധിക്കും. കാവും പരിസരവും പരമ്പരാഗത നാടന്‍ കലാരൂപങ്ങള്‍ കൊണ്ട് സജീവമാകും. ഹരിജന്‍ വേല കാവില്‍ കയറുന്നതോടെ ഉത്രാളിക്കാവ് പൂരത്തിന്റെ പകല്‍ ചടങ്ങുകള്‍ക്കു സമാപനമാകും. പൂരരാത്രിയില്‍ ടൗണിലെ കരുമരക്കാട് ശിവക്ഷേത്രത്തില്‍ വടക്കാഞ്ചേരി വിഭാഗത്തിന്റെ നേതൃത്വത്തില്‍ വിവിധ സാംസ്കാരിക കാലാപരിപാടികളും അരങ്ങേറും. രാത്രിയില്‍ പകല്‍പൂരത്തിന്റെ ആവര്‍ത്തനം ഉണ്ടാകും.അന്നു പുലര്‍ച്ചെ 4.45ന് പടക്കങ്ങള്‍കൊണ്ട് തീര്‍ത്ത പന്തലില്‍ കരിമരുന്നിന്റെ കലാശപ്പൊരിൽ കഴിഞ്ഞാൽ എല്ലാം അവസാനിക്കും. എല്ലാവർക്കും ഇരുപത്തി നാലു മണിക്കൂർ എല്ലാം കണ്ട് കേട്ട് ആസ്വദിക്കാൻ കിട്ടുന്ന ഒരു അവസരം. ഒരു കാര്യം ശ്രദ്ധിക്കുക, ഭയങ്കര ചൂടാണ്, ആവശ്യമായ ഭക്ഷണ സാധനങ്ങൾ, കുടിക്കാനുള്ള വെള്ളം ഇവ കരുതുക.അതു പോലെ എറ്റവും ശ്രദ്ധിക്കേണ്ട കാര്യം, നിങ്ങളുടെ വാഹനങ്ങൾ സുരക്ഷിതമായ സ്ഥലങ്ങളിൽ പാർക്ക് ചെയ്യാൻ ശ്രമിക്കുക, പ്രതേകിച്ച് പാർക്കിങ്ങിനായി അനുവദിച്ചിട്ടുള്ള സ്ഥലങ്ങളിൽ മാത്രം. യാതൊരു തരത്തിലും ട്രാഫിക്ക് ബ്ലോക്ക് ഉണ്ടാക്കാതിരിക്കാൻ ശ്രദ്ധിക്കണം. ട്രാഫിക്ക് നിയമങ്ങൾ പാലിക്കുക, കാരണം വലിയ തിരക്കാണ്, എന്തെങ്കിലും ഒരു അത്യാഹിതം ഉണ്ടായാൽ തടസങ്ങൾ ഉണ്ടാകാൻ പാടില്ല. നമുക്കെല്ലാം ഓർമ്മയുണ്ടല്ലോ പണ്ട് 2013 ൽ വെടിക്കെട്ടു സമയത്ത് ഉണ്ടായ ട്രയിൻ അപകടം. എല്ലാവരും പൂരം കാണുന്നതോടൊപ്പം സുരക്ഷിതമായ സ്ഥലങ്ങളിൽ നിൽക്കാൻ ശ്രദ്ധിക്കണം.

മുകളിൽ പറഞ്ഞിരിക്കുന്ന ലിസ്റ്റ് അപൂർണമാണ്.ആനകളുടെയും മറ്റു കാര്യങ്ങളിൽ മാറ്റങ്ങൾ ഉണ്ടാകാം..മുകളിൽ കാണുന്ന ആനകളിൽ എല്ലാം കാണണമെന്നില്ല. ചിലപ്പോൾ കൂടുകയോ കുറയുകയോ ചെയ്യാം,അന്തിമമായ തീരുമാനം ഒരോ ദേശക്കാർക്കാണ്.

Location Google Maps https://goo.gl/maps/ERF3hxoqFne9rD5J7

….ഹാരിസ് നൂഹൂ….